Экономика

Дүйнөдө катуу диск (HDD) тартыштыгы жаралышы мүмкүн

Мелис Совет уулу

22 фев 2026 10:25

Катуу диск (HDD) өндүрүүчүлөр 2027-жылга чейинки бардык өндүрүш кубаттуулуктарын алдын ала сатып жиберишти. Гиперскейлерлер Seagate жана Western Digital компанияларынын дээрлик бардык HDD чыгарылышын сатып алышып, корпоративдик рынок үчүн эркин жеткирүүлөрдү дээрлик калтырган жок.

Ири катуу диск өндүрүүчүлөр жакынкы жылдарга карата өндүрүш мүмкүнчүлүктөрү толугу менен бөлүштүрүлүп бүткөнүн билдиришти. Бул негизинен жасалма интеллект үчүн инфраструктуранын ылдам өсүшү менен байланыштуу.

Финансылык отчеттук конференциялардын жүрүшүндө Seagate жана Western Digital өкүлдөрү 2026-жылга карата пландалган бардык өндүрүш көлөмү сатылып бүткөнүн, ал эми 2027–2028-жылдардагы жеткирүүлөрдүн бир бөлүгү узак мөөнөттүү келишимдер аркылуу алдын ала резервделгенин ырасташты.

Western Digital компаниясынын башкы директору Тианг Ю Тан компания 2026-жылдын аягына чейин дээрлик толук бурйтумалар менен камсыз болгонун жана кийинки жылдарга карата да бир катар кардарлар менен келишимдер түзүлгөнүн билдирди.

Ушундай эле абалды Seagate компаниясынын башкы директору Дэйв Мосли да сүрөттөп, жакынкы эки жыл ичинде компанияда бош өндүрүш кубаттуулугу калбаганын белгиледи.

Тармактык булактардын маалыматына караганда, үчүнчү ири өндүрүүчү — Toshiba — да ушундай эле абалда, бирок компания азырынча расмий билдирүү жасай элек.

Катуу дисктер жеке компьютерлерден жана ноутбуктардан дээрлик жоголгонуна карабастан, чоң көлөмдөгү маалыматтарды сактоонун эң арзан жолу бойдон калууда. Ошондуктан HDD негизинен дата-борборлордо, булут платформаларында жана ири жасалма интеллект моделдерин окутуу менен алектенген компанияларда кеңири колдонулат.

Мындан тышкары окуңуз

BAKAI S&P Global CSA ESG баалоосунда 71 упай алып, дүйнөлүк банк секторунун алдыңкы 9%ына кирди

BAKAI туруктуу өнүгүү боюнча жыл сайын өткөрүлүүчү эл аралык S&P Global Corporate Sustainability Assessment (CSA) баалоосунун жыйынтыгын жарыялайт. 2026-жылдын 6-октябрында расмий берилген баалоонун жыйынтыгы боюнча Банк мүмкүн болгон 100 упайдын ичинен 71 упай алды. Бул 2025-жылдагы көрсөткүчтөн 14 упайга жогору. S&P Global CSA

Кыргызстанда тогуз айда 39 миңден ашык пенсиялык иш кароого алынды

2026-жылдын январь–сентябрь айларында Кыргызстандын Социалдык фонду 39 261 пенсиялык ишти кароого алды. Бул тууралуу аталган мекеменин басма сөз кызматынан кабарлашты. Маалыматка ылайык, сентябрь айында 2 759 жаранга пенсия жаңыдан чектелген. Ошондой эле 596 пенсионердин пенсиясы кайра эсептелген. Кайра эсептөө эмгек стажы, эмгек акысы, окуусу жана майыптыгына байланыштуу кошумча

Кыргызстанда статистикалык маалыматтарды топтоодо ЖИ технологиялары колдонулушу мүмкүн

Армениянын Ереван шаарында КМШга мүчө мамлекеттердин статистикалык кызматтарынын жетекчилеринин кеңешинин 76-отуруму жана “Статистикадагы жаңы усулдар жана технологиялар” аттуу IV эл аралык статистикалык форум өттү. Иш-чараларга Кыргызстандын Улуттук статистика комитетинин төрагасы Бактыбек Кудайбергенов катышты. Улуттук сатитстика комитетинин маалыматына караганда, иш-чаранын жүрүшүндө статистикалык маалыматтарды даярдоодо мамлекеттик маалымат тутумдарындагы маалыматтарды

12-октябрда Бишкек жана ага жакын айрым жерлеринде электр жарыгы өчүрүлөт

12-октябрда электр тармактарынын ишенимдүүлүгүн жогорулатуу максатында Бишкек шаарында жана ага жакын аймактарда оңдоо жана техникалык тейлөө иштери жүргүзүлөт. Буга байланыштуу айрым көчөлөрдө жана конуштарда электр энергиясы убактылуу өчүрүлөт. “Улуттук электр тармактары” ААКтын Бишкек электр тармактары ишканасынын маалыматына ылайык, иштер Чыгыш, Батыш, Түндүк жана Аламүдүн райондук электр тармактары тарабынан жүргүзүлөт.