Экономика

Кыргызстандагы ишкер айымдарга акысыз колдоо көрсөтүлөт – ментордук программага кабыл алуу башталды

Айгерим Качкынбекова

24 фев 2026 15:00

“Ишкер айымдар” ментордук программасынын юбилейлик сезонуна чакан жана орто бизнесте кеминде эки жылдык тажрыйбасы бар ишкер айымдар катыша алышат. Анкеталарды толтуруунун мөөнөтү – 2026-жылдын 2-мартына чейин.

Кыргызстанда “Ишкер айымдар” ментордук программасынын бешинчи юбилейлик сезонуна катышуучуларды кабыл алуу башталды. Бул демилге аялдардын ишкерлигин колдоого жана экономикадагы аял-лидерлердин ролун бекемдөөгө багытталып, Европа реконструкциялоо жана өнүктүрүү банкы (ЕРӨБ) менен FINCA Банкынын биргелешкен колдоосунун негизинде ишке ашырылууда.

Өз ишин өнүктүрүп жаткан жана жети ай бою бизнесин өнүктүрүүгө жана кеңейтүүгө даяр ишкер айымдар программага катышууга өтүнмө бере алышат. Программага катышуу акысыз.

Ментор катары тажрыйбалуу ишкерлер чакырылууда, алар ментини программанын бардык этабында коштоп, өз тажрыйбасын алар менен акысыз бөлүшөт. Менторлор жана ментилер үчүн кабыл алуу уланууда – анкеталарды толтуруунун мөөнөтү 2026-жылдын 2-мартына чейин.

Программанын алкагында катышуучулар онлайн жана офлайн тренингдерден өтүшөт, кросс-ментордук сессияларга, таңкы бизнес-тамактанууларга жана ири өндүрүштүк ишканаларга экскурсиялык сапарларга катышат. Мындай формат катышуучулардын бизнести жана каржыны башкаруу көндүмдөрүн жакшыртууга, ошондой эле пайдалуу бизнес байланыштарды түзүүгө мүмкүнчүлүк берет.

Ментордук программа Кыргызстанда 2019-жылдан бери ишке ашырылып келет. Ал ЕРӨБдүн “Ишкер айымдар”насыялык линиясы аркылуу көрсөтүлүүчү финансылык эмес кызматтардын алкагында ишке ашырылат жана аял ишкерлерди колдоо максатында Финансылык демилге (We-Fi) жана Швейцариянын Өкмөтүнүн колдоосу аркылуу ЕРӨБдүн чакан бизнести колдоо фонду менен биргеликте ишке ашырылууда. Мындан тышкары, аталган демилгеге Ирландия, Италия, Жапония, Люксембург, Норвегия, Түштүк Корея, Швеция, Швейцария, Тайвань, ЕРӨБдүн техникалык кызматташтык бизнес-фонду, Улуу Британия жана АКШ да колдоо көрсөтөт.

Анкетаны толтурууга шилтеме: https://bibsh.mssg.me/

Мындан тышкары окуңуз

Бишкектин 7-кичи районунда таза суу берилбейт

Бишкек шаарынын 7-кичи районунда 3-ноябрда саат 10:00дөн 22:00гө чейин таза суу берүү токтотулат. Бул тууралуу мэриядан маалымдады. Билдирүүгө ылайык, бул күнү аймактагы суу түтүгүндө оңдоп-түзөө иштери жүргүзүлөт. Өчүрүү 7-кичи райондун №33, 34, 34/1, 35, 36, 37, 38, 38/1, 39, 40, 41, 43,

Талас жана Баткенде финансылык сабаттуулук боюнча лекциялар өттү

Талас жана Баткен облустарында Дүйнөлүк каражат топтоо күнүнө карата мектеп окуучулары жана студенттер үчүн финансылык сабаттуулук боюнча лекциялар өткөрүлдү. Бул тууралуу Улуттук банктан билдиришти. Маалыматка ылайык, 27–30-октябрь күндөрү Улуттук банктын Талас облустук башкармалыгынын өкүлдөрү Талас, Бакай-Ата, Айтматов жана Манас райондорундагы төрт мектептин жогорку класстарынын окуучуларына лекция өтүштү.

Кыргызстанда баалуу кагаздар рыногун жөнгө салуунун жаңы эрежелери бекитилди

Министрлер кабинети баалуу кагаздар рыногунун ишин жөнгө салууга багытталган жаңы жоболорду бекитти. Тиешелүү №732 токтом 2026-жылдын 29-октябрында кабыл алынды. Бул тууралуу Финкөзөмөлдөн билдиришти. Документке ылайык, Улуттук депозитарийдин ишинин өзгөчөлүктөрү жөнүндө жобо жана Баалуу кагаздардын бирдиктүү мамлекеттик реестрин жүргүзүү, ошондой эле баалуу кагаздардын чыгарылышына мамлекеттик каттоо номерин берүү тартиби

Германия менен Улуу Британия Борбор Азиядагы климаттык долбоорго каражат бөлөт

Жаратылыш ресурстары министри Акыл Токтобаев Германиянын Эл аралык кызматташтык коомунун (GIZ) Кыргызстандагы жана Тажикстандагы өкүлчүлүгүнүн жетекчиси Виктор Вецель менен жолугушту. Бул тууралуу министрликтин басма сөз кызматы кабарлады. Маалымдалгандай, жолугушууда айлана-чөйрөнү коргоо, туруктуу өнүгүү жана климаттын өзгөрүшүнө каршы күрөшүү боюнча кызматташтык маселелери талкууланды. Жыйынтыгында тараптар "Борбордук Азияда климаттык тобокелдиктерди