Экономика

OpenAI компаниясынын ЖИ-боту жаңылыштык менен 250 миң доллар бирөөгө которуп алды

Мелис Совет уулу

25 фев 2026 09:23

Социалдык тармактын колдонуучусу нейротармактан акча сурап, OpenAI компаниясынын ЖИ-боту жаңылыштык менен ага 250 миң доллар которуп жибергенин Lobstar Wilde аттуу ЖИ-боттун X тармагындагы аккаунтунда маалымдалды.

OpenAI кызматкери түзгөн автономдуу ЖИ-агент менен жүргүзүлгөн эксперимент активдердин жоголушу менен аяктаган. Lobstar Wilde деп аталган бот 50 миң доллар көлөмүндөгү криптовалюталык портфелди башкарып, капиталды 1 млн долларга чейин көбөйтүү милдетин алган. Бирок ал бардык каражатты башка колдонуучуга которуп жиберген.

Долбоордун алкагында колдонуучулар LOBSTAR аттуу мем-токен чыгарышып, эмиссиянын 5%ын алуучу катары ЖИ-агенттин капчыгын көрсөтүшкөн. Токен Solana блокчейнинде иштеген, бул активдин тез ликвиддүүлүгүн жана жогорку волатилдүүлүгүн камсыз кылган.

Маалыматка караганда, X социалдык тармагынын бир колдонуучусу боттон 4 SOL (болжол менен 320 доллар) которуп берүүнү суранган жана тууганынын дарылануусуна муктаж экенин билдирген. Транзакция учурунда ЖИ сурамдын параметрлерин туура эмес түшүнүп, эсептелген 50 миң токендин ордуна өзүндөгү бардык LOBSTAR токендерин — 50 миллион бирдикти — жиберген. Которуу учурунда бул сумма акчалай эсептегенде болжол менен 250 миң долларга барабар болгон.

ЖИ-агент өзү да бул катаны ачык мойнуна алып, туура эмес аткарылган транзакция тууралуу тамашалуу комментарий жарыялаган.

Мындан тышкары окуңуз

BAKAI S&P Global CSA ESG баалоосунда 71 упай алып, дүйнөлүк банк секторунун алдыңкы 9%ына кирди

BAKAI туруктуу өнүгүү боюнча жыл сайын өткөрүлүүчү эл аралык S&P Global Corporate Sustainability Assessment (CSA) баалоосунун жыйынтыгын жарыялайт. 2026-жылдын 6-октябрында расмий берилген баалоонун жыйынтыгы боюнча Банк мүмкүн болгон 100 упайдын ичинен 71 упай алды. Бул 2025-жылдагы көрсөткүчтөн 14 упайга жогору. S&P Global CSA

Кыргызстанда тогуз айда 39 миңден ашык пенсиялык иш кароого алынды

2026-жылдын январь–сентябрь айларында Кыргызстандын Социалдык фонду 39 261 пенсиялык ишти кароого алды. Бул тууралуу аталган мекеменин басма сөз кызматынан кабарлашты. Маалыматка ылайык, сентябрь айында 2 759 жаранга пенсия жаңыдан чектелген. Ошондой эле 596 пенсионердин пенсиясы кайра эсептелген. Кайра эсептөө эмгек стажы, эмгек акысы, окуусу жана майыптыгына байланыштуу кошумча

Кыргызстанда статистикалык маалыматтарды топтоодо ЖИ технологиялары колдонулушу мүмкүн

Армениянын Ереван шаарында КМШга мүчө мамлекеттердин статистикалык кызматтарынын жетекчилеринин кеңешинин 76-отуруму жана “Статистикадагы жаңы усулдар жана технологиялар” аттуу IV эл аралык статистикалык форум өттү. Иш-чараларга Кыргызстандын Улуттук статистика комитетинин төрагасы Бактыбек Кудайбергенов катышты. Улуттук сатитстика комитетинин маалыматына караганда, иш-чаранын жүрүшүндө статистикалык маалыматтарды даярдоодо мамлекеттик маалымат тутумдарындагы маалыматтарды

12-октябрда Бишкек жана ага жакын айрым жерлеринде электр жарыгы өчүрүлөт

12-октябрда электр тармактарынын ишенимдүүлүгүн жогорулатуу максатында Бишкек шаарында жана ага жакын аймактарда оңдоо жана техникалык тейлөө иштери жүргүзүлөт. Буга байланыштуу айрым көчөлөрдө жана конуштарда электр энергиясы убактылуу өчүрүлөт. “Улуттук электр тармактары” ААКтын Бишкек электр тармактары ишканасынын маалыматына ылайык, иштер Чыгыш, Батыш, Түндүк жана Аламүдүн райондук электр тармактары тарабынан жүргүзүлөт.