Экономика

Мамлекеттик салык кызматы маркетплейстер аркылуу соода жүргүзүү ыкмасын сыноодон өткөрдү

Ишкер Media

06 март 2026 11:02

Мамлекеттик салык кызматы селлерлер жана маркетплейстердин өкүлдөрү менен биргеликте электрондук соода аянтчалары аркылуу соода жүргүзүүдө колдонулуучу электрондук эсеп-фактуранын жаңы формасын пайдалануу менен товарларды тесттик жөнөтүүнү ишке ашырды.

Мамлекеттик салык кызматынан билдиргендей, сыноонун жыйынтыгында товарларды КРнын аймагынан Казакстандын аймагы аркылуу РФна ийгиликтүү алып чыгуу камсыздалды. Бул форманы киргизүү бизнес жүргүзүү үчүн ыңгайлуу шарттарды түзүүгө, ошондой эле товарларды КРнын аймагынан тоскоолдуксуз алып чыгууга багытталган.

Электрондук соода аянтчасындагы соода ишмердүүлүгүнүн алкагында эсеп-фактура товарларды КРнын аймагынан чыгарганга чейин электрондук документ түрүндө таризделет.

Бул документ электрондук соода аянтчалары аркылуу кийинки сатууга арналган товарлардын кыймылын документтик коштоо үчүн гана колдонулат.

Белгилей кетсек, мындай эсеп-фактураны тариздөө товарларды сатуу фактысы болуп эсептелбейт жана салык милдеттенмелеринин жаралышына алып келбейт.

Электрондук эсеп-фактура маалыматтар системасында электрондук соода аянтчасындагы соода ишмердүүлүгүнүн алкагында эсеп-фактураны тариздөөнүн тартиби Электрондук эсеп-фактуралардын маалыматтык системасы (ЭЭФ МС) аркылуу ишке ашырылат.

💡

Маанилүү: электрондук соода аянтчасындагы соода ишмердүүлүгүнүн алкагында таризделген эсеп-фактурага өзгөртүү киргизүүгө болбойт жана ал жараксыз деп табылбайт. Ушуга байланыштуу салык төлөөчү бардык маалыматтарды толук, так жана катасыз толтурууга милдеттүү.

Мындан тышкары окуңуз

Кыргызстан түрк мамлекеттери менен биргелешкен инвестициялык долбоорлорду ишке ашырууга кызыкдар

Президент Садыр Жапаров бүгүн, Түркия Республикасына жасаган иш сапарынын алкагында Анкара шаарында Түрк мамлекеттер уюмуна мүчө мамлекеттердин башчыларынын 13-саммитине катышып сөз сүйлөдү. Мамлекет башчысы өз сөзүндө азыркы геосаясий жана экономикалык өзгөрүүлөрдүн шартында Түрк мамлекеттер уюмунун ролу өсүп жатканына токтолуп, Кыргызстан биргелешкен инвестициялык долбоорлорду ишке ашырып, өндүрүштүк чынжырларды түзүүгө кызыкдар

Өлкөдө бир каржы пирамидасы элден 5 млрд сом чогултуп алган

Кыргызстанда бир ири компания Финансы рыногун жөнгө салуу жана көзөмөлдөө кызматынын брокердик лицензиясын колдонуп, өзүнө караштуу дагы 20-22 ишкана ачып, элден 5 млрд сом чогулткан. Бул тууралуу Финансылык көзөмөл кызматынын төрагасы Кайрат Маматов “Биринчи радионун” эфиринде айтты. Анын маалыматына караганда, сөз болуп жаткан компания каражатты пайызга алган. Мындай ишмердик

ИИМ интернет алдамчылар көбөйгөнүн дагы да эскертүүдө

ИИМ интернет-алдамчылык фактылары көбөйүп жаткандыгына байланыштуу жарандарды жеке маалыматтарын жана аккаунттарын коргоого чакырат. Министрликтин маалыматына ылайык, алдамчылар өздөрүн уюлдук операторлордун, банктардын же башка мекемелердин кызматкерлери катары тааныштырып, колдонуучулардан аккаунтка кирүү үчүн ырастоо коддорун алууга аракет кылышууда. Мындай аракеттер акыркы күндөрү көбөйгөнүн MEGA оператору да билдирген. ИИМ жарандарга мессенджерлерде эки

Турак жайды камсыздандыруу: төлөмдөр, талаптар жана жарандардын укуктары

Кыргызстанда турак жайды милдеттүү түрдө камсыздандыруу каралган. Ал өлкө мыйзамдарына ылайык шаарларда да, айыл жергесинде да колдонулат. Алдыда турак жайды камсыздандыруу акысы, керектүү документтер, бүгүнкү күнгө карата аткарылган төлөмдөр тууралуу сөз кылабыз. "Ишкер" медиа сайтынын суроолоруна Мамлекеттик камсыздандыруу уюмунун басма сөз кызматынан жооп беришти. — Өлкөдө турак жайды камсыздандыруу