Шэньси провинциясы менен финансылык кызматташтык талкууланды

Шэньси провинциясы менен финансылык кызматташтык талкууланды

Финансы министри Алмаз Бакетаев Шэньси провинциясынын финансы комитетинин директорунун орун басары Ли Синлун баштаган кытай делегациясы менен жолугушту. Бул тууралуу министрликтин маалымат кызматынан билдиришти.

Жолугушуунун жүрүшүндө кыргыз-кытай мамилелеринин жогорку деңгээли белгиленип, өлкөлөр ортосундагы кызматташтык “Бир алкак, бир жол” демилгеси алкагында өнүгүп жатканы айтылды.

Министр Бакетаев ири инфраструктуралык долбоорлорду натыйжалуу ишке ашыруу үчүн туруктуу финансылык механизмдерди жана узак мөөнөттүү каржылоо булактарын түзүү зарылдыгын баса белгиледи.

Тараптар Кыргызстандын жана Шэньси провинциясынын финансылык институттары ортосундагы кызматташтыкты кеңейтүү жана инвестициялык фонддорду түзүү, чакан жана орто бизнести колдоо, банктар аралык операцияларды өнүктүрүү жана улуттук валютада корреспонденттик эсептерди ачуу мүмкүнчүлүктөрүн талкуулашты.

Кытай делегациясы эки тараптуу финансылык тейлөө механизмин түзүү, атайын кредиттик линияларды ачуу жана сооданы каржылоо инструменттерин колдонуу демилгелерин сунуштады.

Жыйынтыгында тараптар финансылык кызматташтыкты мындан ары өнүктүрүүгө жана профилдик финансы институттарынын ортосундагы өнөктөштүктү бекемдөөгө кызыкдар экенин билдиришти.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Ысык-Көлдө 1000ден ашык жаранга акысыз медициналык консультациялар берилди

Самарканд марафонуна 70тен ашык өлкөнүн өкүлдөрү катышууда

Жарандык авиация агенттиги C5+1 конференциясына катышты

Москва районунда ишке ашырылып жаткан инвестициялык долбоорлор аталды

Токмокто 5 жылда 28 социалдык объект пайдаланууга берилген