Экономика

Зергер буюмдарын өндүрүүчүлөр алтынды мамлекеттен 2% арзан ала алышат

Мелис Совет уулу

13 мар. 2026 17:47

МинКаб торагасы Адылбек Касымалиев "Ата мекендик зергер буюмдарын өндүрүүчүлөргө баалуу металлдарды сатуу тартибин бекитүү жөнүндө" токтомго кол койду.

Жаңы документке ылайык, жергиликтүү зергер компаниялары үчүн баалуу металлдардын сатуу баасы London Bullion Market Association тарабынан аныкталган дүйнөлүк көрсөткүч — LBMA фиксингине байланыштырылат. Бирок ага 2%дык арзандатуу колдонулат.

Бул чечим "Баалуу металлдар жана баалуу таштар жөнүндө" мыйзам жана Садыр Жапаров кол койгон 2025-жылдын 5-декабрындагы "Экономиканын айрым тармактарын колдоо чаралары жөнүндө" жарлыгын аткаруу максатында кабыл алынган.

Дүйнөлүк баадан төмөн баада чийки зат берүү менен катар, бекитилген тартипке ылайык зергер ишканалары сатып алган металлдар үчүн 180 күнгө чейин бөлүп төлөө мүмкүнчүлүгүнө да ээ болушат.

Жеңилдетилген баада сатып алынган алтынды кайра сатууга тыюу салынат — ал ички өндүрүш үчүн гана колдонулушу керек.

Жаңы регламент экинчи рыноктун ишин да тартипке салат: эми ломбарддар жана сатып алуу пункттары зергер буюмдарын, баалуу таштарды жана металл сыныктарын расмий түрдө мамлекетке сата алышат.

Бул чара мамлекеттик органдарга керектүү көлөмдөгү чийки затты топтоп, аны кийин ата мекендик ишканаларга бөлүштүрүүгө мүмкүнчүлүк берет. Баалуу металлдарды сатуу процесси бул рынокту жөнгө салган ыйгарым укуктуу мамлекеттик орган тарабынан көзөмөлдөнөт.

Мындан тышкары окуңуз

АКШ Иранга каршы операциянын ар бир күнүнө 1 млрд доллардан сарптап жатканы айтылды

АКШ Иранга каршы аскердик операция башталгандан бери бир нече жыл ичинде топтолгон маанилүү ок-дарылардын корун пайдаланып бүтүргөнүн Financial Times үч булакка таянып жазды. Негизинен сөз Tomahawk канаттуу ракеталары тууралуу болуп жатат. "Аскер-деңиз флоту бул чыгымдардын кесепеттерин бир нече жыл бою сезет", — деп басылма булактардын биринин сөзүн келтирет. АКШнын

Кыргызстанда курулуш буму канча жылга созулат?

Кыргызстанда кеминде 10 жылга созула турган курулуш буму болжолдонуп жатканын брифингде Экономика министринин орун басары Чоро Сейитов билдирди. Анын айтымында, турак жай куруу тармагы өсүү жана өнүгүү үчүн чоң потенциалга ээ болуп, ишкерлер үчүн абдан кызыктуу тармак болуп эсептелет. "Мен кепилдик бере алам, Кыргызстанда кеминде 10 жыл бою өлкөнүн

Жыл башынан бери Кыргызстан ИДПсы 264 млрд сомго жетти

2026-жылдын январь–февраль айларынын жыйынтыгы боюнча ички дүң продукттун (ИДП) көлөмү алдын ала баалоого ылайык 264 млрд 52,5 млн сомду түзгөнүн Улуттук статистика комитети билдирди. Бул көрсөткүч 2025-жылдын январь–февраль айларына салыштырмалуу 8,8%га көбөйгөн. Ошол эле учурда экономиканын өсүү темпи бир аз жайлады: 2026-жылдын январь айынын жыйынтыгы

Өзбекстанда ишкерлерге 3 ай лицензиясыз бизнес жүргүзүүгө уруксат берилет

Өзбекстан парламентинин Мыйзам чыгаруу палатасы ишканалар үчүн уруксат берүүчү документтерди алуу тартибин жөнгө салган мыйзам долбоорун негизги жана акыркы окууда кабыл алды. Мыйзам долбооруна ылайык, өлкөдө "лицензиясыз бизнес жүргүзүү" укуктук режими киргизилет. Бул механизм ишкерлерге өз ишин баштоодо үч айга чейинки өткөөл жана ыңгайлашуу мөөнөтүн берүү максатын көздөйт.