Экономика

Дене тарбия жана спорт мамлекеттик агенттигинде ири көлөмдөгү финансылык бузуулар аныкталды

Ишкер Media

27 март 2026 16:21

Министрлер Кабинетине караштуу Дене тарбия жана спорт мамлекеттик агенттиги жана анын түзүмдүк бөлүмдөрүндө 2024-жылга бюджеттин аткарылышы боюнча жүргүзүлгөн аудиттин жыйынтыгында финансылык тартипти көзөмөлдөө жетишсиз деңгээлде болгону аныкталды. Бул тууралуу Кыргыз Республикасынын Эсептөө палатасынан маалымдашты.

Билдирүүгө караганда, Дене тарбия жана спорт мамлекеттик агенттигинде жүргүзүлгөн аудиттин негизинде, жалпысынан 4 416,4 миң сом финансылык бузуулар табылып, анын 1 234,4 миң сому калыбына келтирилиши керек экени белгиленген. Текшерүү учурунда 462,2 миң сом бюджетке кайтарылган. Бузуулардын негизги бөлүгү мыйзамда каралбаган эмгек акы төлөмдөрүнө жана командировкалык чыгымдардын ашыкча эсептелишине байланыштуу болгон.

Мындан тышкары, 25 331,5 миң сомго жол-жоболук бузуулар аныкталып, эмгек акыны эсептөөдө, бухгалтердик эсеп жүргүзүүдө жана мамлекеттик сатып алууларда мыйзам талаптары сакталбаганы белгиленди. Ошондой эле айрым активдер эсепке алынбай калган, карыздар толук көрсөтүлбөгөн жана коммуналдык чыгымдар боюнча лимиттер ашыкча пайдаланылган.

Аудиттин жыйынтыгы Эсептөө палатасынын кеңешинде каралып, тиешелүү органдарга финансылык тартипти күчөтүү, бузууларды жоюу жана бюджеттик каражаттарды натыйжалуу пайдалануу боюнча тапшырмалар берилди.

Мындан тышкары окуңуз

Өлкөдөгү 500 мектепке шахмат ийримдери уюштурулат

Өлкөнүн мектептерине шахмат ийримдерин уюштуруу үчүн керектүү жабдуулар жеткирилүүдө. Агартуу министрлигинен билдиришкендей, 2026-2027-окуу жылында республиканын 500 жалпы билим берүү уюмундагы 3-5-класстардын окуучулары үчүн шахмат ийримдери уюштурулууда. "Бүгүнкү күнгө карата республика боюнча мектептерге 7 500 комплект шахмат, 2500 таймер жана 500 демонстрациялык шахмат тактасы жеткирилди. Пилоттук

63 жыл асманда: 83 жаштагы стюардесса пенсияга чыкты

American Airlines компаниясынын эң тажрыйбалуу борт коштоочусу Кэрол Фэйр 83 жашында пенсияга чыкты. Ал акыркы каттамын 26-октябрда Лондондон АКШнын Түндүк Каролина штатындагы Шарлотт шаарына аткарган. Аны аэропорттон үй-бүлөсү, достору жана кесиптештери тосуп алышкан. Авиакомпания анын урматына атайын узатуу аземин жана суу салютун уюштурган. Рeople басылмасынын маалыматына ылайык, Фэйр

Баткенде 9 айда 91 чакырымдан ашык жол асфальтталды

Баткен облусунда 2026-жылдын тогуз айында 91,67 чакырым жолго асфальт төшөлдү. Бул тууралуу президенттин облустагы ыйгарым укуктуу өкүлчүлүгүнүн басма сөз кызматы кабарлады. Маалыматка ылайык, жол курулуш иштерине жалпы 778,3 млн сом жумшалган. Ошондой эле облуста 20 социалдык жана 4 өнөр жай объектиси пайдаланууга берилген. Учурда Баткен облустук капиталдык

Улуттук банктын атынан 1% менен кредит сунуштаган шылуундар пайда болду

Кыргызстанда алдамчылар Улуттук банктын атынан жасалма сертификаттарды таратып, жарандарга жылдык 1% менен кредит сунуштап жатышат. Бул тууралуу Улуттук банктын басма сөз кызматынан кабарлашты. Маалыматка ылайык, шылуундар өздөрүн финансылык консультант катары тааныштырып, мессенджерлер аркылуу Улуттук банктын атынан даярдалган жасалма сертификаттарды жөнөтүшүүдө. Ушундан улам, Улуттук банк жарандарга түздөн-түз кредит бербей турганын