Кузбасска Кыргызстан, Казакстандан 121 тонна жашылча жеткирилди
Кузбасс аймагына Кыргызстандан жана Казакстандан 121 тонна жаңы жашылча жеткирилгенин Россиянын ветеринардык жана фитосанитардык көзөмөл боюнча федералдык кызматынын Сибирь аймактар аралык башкармалыгы билдирди.
Жалпы жүктүн 66 тоннасы баш пияз, 33 тоннасы жаңы помидор жана 20 тоннасы сабизди түзөт. Өнүмдөр Кемерово шаарындагы сыноо лабораториясында бардык зарыл изилдөөлөрдөн өткөрүлгөн.
Маалыматта белгиленгендей, жүктөргө тиешелүү бардык товар коштоочу документтердин болушу жана продукцияда карантиндик зыяндуу организмдердин жоктугу карантиндик фитосанитардык көзөмөл актыларын ийгиликтүү тариздөөгө негиз болгон. Бул актылар продукцияны андан ары сатууга уруксат берет.
