Казакстанда шоколаддар “кичирейип”, салмагы 75–80 граммга чейин азайды
Казакстанда акыркы жылдары шоколад плиткаларынын салмагы байкаларлык азайып, мурунку 100 граммдын ордуна 75–80 грамм болуп калды. Бул тууралуу NUR.KZ басылмасынын талдоосунда маалымдалат.
Билдирүүгө караганда, азыр дүкөндөрдөгү көптөгөн азыктар так салмакта эмес — май, сүт азыктары, кондитердик товарлар сыяктуу эле шоколад да акырындап “кичирейип” барат. Сыртынан кадимкидей көрүнгөнү менен, салмагы мурдагыдан алда канча азайууда.
Белгилүү бренддер өзгөрдү
Мисалы, Nestlé компаниясынын шоколаддары: 2006-жылы — 100 гр болсо, 2015-жылы — 90 гр, 2023-жылы — 82 гр ал эми 2026-жылы — болгону 75 гр түзүп жатат. Ал эми анын баасы тескерисинче өсүү динамикасын көрсөтүүдө: мурда 455 теңге болсо, азыр 1000 теңгеден жогору сатылат.
Ошондой эле Alpen Gold жана Milka да ушундай жолду басып өттү: мурда — 100 гр, кийин – 90-80 гр түшүп, баалары болсо эки эсеге чейин жогорулаган.
Шоколаддын “кичирейиши” Казакстанда гана эмес, башка өлкөлөрдө да байкалууда.
Салмагын азайтпаган шоколаддар
Ошентсе да Кахакстандын базарларында стандарттуу 100 граммдык плиткалар сакталып калгандыгы айтылууда. Алар: Рахат жана Баян Сулуу ишканаларынын “Казахстан” шоколаддары Ritter Sport жана башкалар.
Серепчилердин баамында, салмакты азайтуу ыкмасы “жашыруун кымбаттатуу” болуп саналат. Башкача айтканда, өндүрүүчүлөр бааны кескин көтөрбөш үчүн товарды кичирейтип, чыгымды азайтып жатышат.
Жыйынтыктап айтканда, 20 жылдан бери шоколад плиткаларынын салмагы кичирейгени менен, алардын баасы өсүп жатат. Бул көрүнүш азык-түлүктүн көпчүлүк түрүндө байкалып, керектөөчүлөр үчүн байкалбаганы менен капчыктарына залакасын тийгизип жатат.
