Экономика

Үч айда транспорттук көзөмөлдөн бюджетке 70 млн сомго жакын каражат түштү

Айгерим Качкынбекова

08 апр. 2026 14:41

Транспорт жана коммуникациялар министрлигине караштуу Транспорт департаменти тарабынан 2026-жылдын биринчи үч айында транспорттук көзөмөл иштери күчөтүлгөн тартипте жүргүзүлдү. Бул тууралуу ведомстводон билдиришти.

Маалыматка ылайык, транспорттук көзөмөл пункттарында жана станциялык курулмаларда жүргүнчү жана жүк ташуучу жалпы 189 396 автоунаа текшерилген.

Текшерүүлөрдүн жыйынтыгында транспорттук мыйзамдардын талаптарын бузуу фактылары боюнча 2 609 протокол түзүлүп, жалпысынан 3 млн 562 миң 500 сом айып пул салынган.

Анын ичинен салмак-габариттик ченемдерди сактабагандыгы үчүн 998 протокол түзүлүп, 17 млн 465 миң сом айып пул, ал эми эл аралык жүк ташуу эрежелерин бузгандыгы үчүн 143 протокол түзүлүп, 2 млн 860 миң сом айып пул салынган.

Мындан тышкары, салмак-габариттик өлчөмдөрдү ченөөдөн 2 млн 557 миң 635 сом, бөлүнгүс ири көлөмдүү жана оор жүктөрдү ташууга берилген атайын уруксаттардан 36 млн 791 миң 392 сом, көп жолу колдонулуучу атайын уруксаттардан 1 млн 114 миң 281 сом жыйым түшкөн.

Жалпысынан транспорттук көзөмөлдүн жыйынтыгында мамлекеттик бюджетке 69 млн 313 миң 151 сом каражат түшкөн.

Белгилей кетсек, учурда Транспорт департаменти 21 транспорттук көзөмөл пунктунда салмак-габариттик көзөмөл жүргүзүүдө. Мындан тышкары, текшерүүлөр мобилдик топтор аркылуу да ишке ашырылууда.

Мындан тышкары окуңуз

Кыргызстанда Улуу Ата Мекендик согуштун 24 ардагери бар

Бүгүнкү күндө Кыргызстанда Улуу Ата Мекендик согуштун 24 ардагери калды, алардын ичинде Ленинград блокадасын башынан өткөргөндөр жана концлагерлердин мурдагы туткундары бар. Бул тууралуу Эмгек, социалдык камсыздоо жана миграция министрлигинен кабарлашты. Маалыматка ылайык, бүгүнкү күндө алардын ичинен сегизи— согуштун түз катышуучулары. Аймактар боюнча: Бишкек — 4; Чүй облусунун Жайыл району — 2; Нарын

Кочкор районунун заманбап автобекети жыл аягында пайдаланууга берилет

Былтыр башталган Кочкор районунун заманбап автобекети ушул жылдын аягында пайдаланууга берилет. Жаңы автобекет ишке кирсе, райондун борбордук көчөсүндөгү унаалардын башаламан кыймылы жөнгө салынат. Бүгүнкү күндө ички жана тышкы каттамда иштеген таксилер ой келди көчө боюн ээлеп турса, эми алардын баары жаңы бекетке киргизилет. Курулуш объектисинин прорабы Аралбек Осмоновдун айтымында, автобекеттин

Ош шаарында 100 иш орундуу жаңы кондиционердик цех ачылды

Ош шаарында "Мадина" аталышындагы жаңы кондитердик цех ишке киргенин муниципалитеттен билдиришти. Ишкана Россия-Кыргыз өнүктүрүү фондунун 63 млн сом колдоосу менен ачылып, 100 жумуш орду түзүлдү. Заманбап жабдуулар менен камсыздалган цехте 100дөн ашуун түрдөгү табигый таттуулар өндүрүлөт. Ачылыш аземине шаар мэри Жанарбек Акаев, Россия-Кыргыз өнүктүрүү фондунун жетекчиси Артем Новиков,

БМУда иш орундар жарманкеси өтөт

23-апрелде К.Карасаев атындагы Бишкек мамлекеттик университетинде(БМУ) бош орундар жарманкеси өтөрүн Эмгек, социалдык камсыздоо жана миграция министрлигинен билдиришти. Жарманкеге мамлекеттик, муниципалдык жана жеке сектордон 100гө жакын уюмдардын өкүлдөрү катышат. Жалпы сунушталган бош орундардын саны 5 миңден ашып, өндүрүш, транспорт, тейлөө, каржы сектору жана телекоммуникациялар сыяктуу ар түрдүү тармактарды камтыйт.