Кыргызстанда 3 айда былтыркыга салыштырмалуу экспорт 12,5%га, импорт 1,2%га кыскарды – Н.Керималиева
2026-жылдын январь–февраль айларында Кыргызстандын тышкы соода көлөмү алдын ала маалыматтар боюнча 2,1 млрд долларды түздү. Бул тууралуу Бишкекте өткөн пресс-конференцияда Улуттук статистика комитетинин төрайымынын биринчи орун басары Назира Керималиева билдирди.
Өткөн жылдын ушул мезгилине салыштырмалуу жалпы соода жүгүртүү 2,9%га азайган. Экспорт 12,5%га төмөндөгөн, ал эми импорт 1,1%га кыскарган.
Соода түзүмүндө импорттун үлүшү 85,4%ды, ал эми экспорттун үлүшү 14,6%ды түздү.
ЕАЭБ өлкөлөрү менен соода жүгүртүү да 0,5%га азайып, 816 млн долларды түздү. Биримдиктин ичиндеги сооданын эң чоң үлүшү салттуу түрдө Россияга (67,6%) жана Казакстанга (29,8%) туура келди.
