"Бишкекжылуулукэнерго" ишканасы 2025-жылы көмүр жагууну 385 тоннага кыскартты
“Бишкекжылуулукэнерго” ишканасы өткөн жылы беш от казанына жылуулук насосторун орнотуу менен көмүр жагууну 385 тоннага кыскартканын Бишкек жылуулук электр борборундагы жылытуу мезгилинин жыйынтыгы боюнча өткөн коллегияда айтылды.
Жыйында 2025–2026-жылдардын күз-кыш мезгилинен өтүүнүн жыйынтыктары жана алдыдагы жылытуу мезгилине даярдык көрүү талкууланды.
Мэр Айбек Жунушалиев шаар жылытуу мезгилин ийгиликтүү өткөргөндүгүн айтты.
“Бүгүнкү күндө Бишкек шаарынын ЖЭБи өндүрүштүк көрсөткүчтөрдүн туруктуу өсүшүн көрсөттү. 2025–2026-жылдардагы жылытуу мезгилинде электр энергиясын өндүрүү пландалган көрсөткүчтөрдөн жана өткөн жылга салыштырмалуу кыйла жогору болду”, — деди мэр.
Мындан тышкары, шаар башчысы былтыр комплекстүү даярдык жана экологиялык саясаттын алкагында мурда иштебей турган түтүн тазалоо системасы ишке киргизилгенин өзгөчө белгиледи.
Ошондой эле мурда күл сактоочу жайды тазалоого болжол менен 30 млн сом сарпталса, азыр Бишкек ЖЭБи кургак күлдүн тоннасын 2815 сомдон сатууда.
