Кыргызстанда кореялык инвестициялык долбоорлорду ишке ашыруу пландалууда
Бүгүн Инвестициялар боюнча улуттук агенттиктин директору Равшанбек Сабиров кореялык консорциумдун өкүлдөрү менен жолугушту. Бул тууралуу агенттиктен билдиришти.
Консорциумдун курамына Far East University, Chungbuk Technopark жана HS Solar Energy Co., Ltd кирет. Жолугушууга ошондой эле ОсОО "МК Инвест" компаниясынын өкүлдөрү катышты.
Жолугушуунун жүрүшүндө тараптар Кыргыз Республикасынын аймагында инвестициялык долбоорлорду ишке ашыруу мүмкүнчүлүктөрүн жана кызматташууну өнүктүрүү перспективаларын талкуулашты.
Кыргыз тарап экономиканын артыкчылыктуу тармактарындагы негизги инвестициялык долбоорлорду сунуштады. Өз кезегинде кореялык консорциум билим берүү, технологиялык өнүгүү жана кайра жаралуучу энергетика багыттары боюнча өз демилгелерин тааныштырды.
Жыйынтыгында тараптар өз ара пайдалуу кызматташууну мындан ары кеңейтүүгө кызыкдар экенин билдиришти.
