Вашингтондо Кыргызстандын күн энергетикасы боюнча ири долбоору талкууланды
Вашингтондо өткөн иш сапардын алкагында Кыргызстандын энергетика министри Таалайбек Ибраев Дүйнөлүк банктын вице-президенти жана финансы директору Жон Гандольфо менен жолугушту.
Сүйлөшүүлөрдүн жүрүшүндө тараптар “Кыргыз күн электр станциясы” пилоттук долбоорунун жүрүшүн кеңири талкуулашты. Долбоор Эл аралык финансы корпорациясынын (IFC) колдоосу менен ишке ашырылып, техникалык, юридикалык, финансылык жана экологиялык талдоолорду камтыйт.
Күн электр станциясы Нарын облусунун Кочкор районундагы Конорчок тилкесинде курулуп, өлкөдө кайра жаралуучу энергия булактарын өнүктүрүүдөгү маанилүү кадамдардын бири болмокчу. Долбоордун алкагында инвестор ачык конкурс аркылуу, эң төмөнкү тариф сунуштаган компания катары тандалат. В настоящее время China Power сунуштаган тариф 4,1 АКШ цент/кВт⋅саат деңгээлинде макулдашылган. Курулуш иштери 2026-жылы башталып, 2027-жылы электр энергиясын өндүрүү пландалууда.
Мындан тышкары, жолугушууда KG Solar долбоорунун экинчи этабы да каралып, Талас жана Баткен облустарында жаңы күн электр станцияларын куруу пландары талкууланды. Адистер бул демилгелер өлкөнүн энергетикалык коопсуздугун чыңдоого жана “жашыл” энергетиканы өнүктүрүүгө олуттуу салым кошорун белгилешти.
