Кыргызстанга “Кыргыз сапаты” деген системаны киргизүү сунушталууда
Бүгүн, Жогорку Кеңештин пленардык отурумунда депутат Сүйүнбек Омурзаков – азык-түлүк коопсуздугун камсыз кылуу боюнча маселени козгоду.
Анын айтымында көп мамлекеттерде азык-түлүктү текшерүүчү өзүнчө бир системасы иштеп, өлкөдөгү тамак-аштын сапатын ылгап турат.
“Бизде дагы адистештирилген “Кыргыз Сапаты” деген система киргизилиши керек. Биздин өлкөгө абдан сапаты начар азык-түлүк продукциялары кирип жатат. Бул элибиздин келечегине, балдардын ден соолугуна таасирин тийгизет. Азык түлүк продукциябыз начар болсо, элдин саламаттыгы да начарлайт”-деди Омурзаков.
Эл өкүлүнүн билдирүүсүнө караганда, союз мезгилинде “Знак качества” деп басылган мөөр, товардын сапат белгисин билдирип турчу. Эгер “Кыргыз Сапаты” киргизилсе, биздин элдер да сапаттуу же сапатсыз экенине көнүл буруп, азык-тулүктү ылгап сатып ала баштамакчы.
