Тогонун өкмөт башчысы Кыргызстандын бажы системасынын реформалары менен таанышты

Бүгүн Тоголез Республикасынын Министрлер кеңешинин төрагасы Фор Эссозимна Гнассингбе КРнын Мамлекеттик бажы кызматына расмий иш сапар менен келди.

Анын алкагында Того делегациясына Кыргызстандын бажы тармагындагы реформалары жана жетишкендиктери тааныштырылды. Коноктордун көңүлү өзгөчө санариптештирүү багытына бурулуп, делегацияга негизги процесстерди автоматташтырган заманбап маалыматтык системалар, “Бирдиктүү терезе” механизми жана мекемелер аралык электрондук байланыш мүмкүнчүлүктөрү тааныштырылды.

Бажы кызматынын маалыматына ылайык, жүргүзүлгөн реформалардын натыйжасында 2025-жылы 2020-жылга салыштырмалуу автоунаалардын өткөрүү жөндөмдүүлүгү 554 пайызга, ал эми бажы төлөмдөрүнүн түшүүсү 654 пайызга өскөн.

Ошондой эле конокторго өткөрүү пункттарындагы бардык процесстер онлайн көзөмөлдөнгөн Кырдаалдык борбордун иши көрсөтүлдү. Бул борбор агымдарды талдап, ыкчам чечим кабыл алууга мүмкүнчүлүк берет.

Того өкүлдөрү Кыргызстандын бажы системасындагы санариптик өзгөрүүлөрдү жогору баалап, бул тажрыйбаны өз өлкөсүндө колдонууга кызыкдар экенин билдиришти.