Адылбек Касымалиев: 4 жылда экономика 10,2% өстү
МинКаб төрагасы Адылбек Касымалиев жана Кыргызстандагы БУУнун туруктуу кординатору Антье Граве катышкан жыйында Кыргызстан менен БУУнун 2023–2027-жылдарга каралган кызматташтык программасы талкууланды. Бул тууралуу президенттик админстрациянын маалымат жана саясат бөлүмүнөн билдиришти.
Жыйында өлкөнүн экономикалык өсүшү жана социалдык өнүгүү маселелери каралды. Касымалиев акыркы төрт жылда экономиканын орточо өсүшү 10,2% болгонун, ал эми 2025-жылы ИДП 11,1%га жеткенин билдирди.
Анын айтымында, экономикалык өсүш жаңы жумуш орундарын түзүүгө, айлык, пенсия жана жөлөк пулдарды көбөйтүүгө шарт түзүүдө.
БУУ өкүлү Антье Граве уюм Кыргызстанды туруктуу өнүктүрүү жана калктын жашоо деңгээлин жакшыртуу багытында колдоону улантарын айтты.
