“Банкроттук жөнүндө” жаңы мыйзам коомдук талкууга коюлду
Экономика министрлиги “Банкроттук жөнүндө” жаңы мыйзам долбоорун коомдук талкууга чыгарды. Бул тууралуу аталган министрликтин басма сөз кызматы билдирди.
Маалыматка ылайык, министрлик банкроттук системасын реформалоону сунуштоодо. Жаңы мыйзамдын негизги максаттары:
Финансылык кыйынчылыкка кабылган, бирок ишин уланта алган ишканаларды реабилитациялоо;
Жумуш орундарын жана экономикалык потенциалды сактоо;
Кредиторлор үчүн ачык-айкын жана алдын ала түшүнүктүү механизмдерди түзүү;
Жеке ишкерлер жана фермерлер үчүн жөнөкөйлөтүлгөн банкроттук жол-жоболорун киргизүү;
Кудуретсиздик боюнча адистердин ишин кесипкөйлөштүрүү.
Азыркы мыйзам 1997-жылы кабыл алынган. Орточо банкроттук процесси 2,5 жылга созулат, ал эми кредиторлор каражаттын болжол менен 30%ын гана кайтарып алышат.
