Кыргызстандын банк тармагынын өкүлдөрү акыл таймашта ат салышты
Жыл сайын Банктар аралык процессинг борбору ЖАК (БАПБ) тарабынан салт катары өткөрүлүп келе жаткан “Акыл таймаш” интелектуалдуу оюну быйыл дагы банк кызматкерлеринин кесиптик майрамына карата уюштурулуп, ага бардык коммерциялык банктардын жана КРУБдун өкүлдөрү катышышты.
Бул интеллектуалдык оюнга беш адамдан турган, 17 топ катышты. Анын жүрушундө тексттик табышмактар, музыкалык раунддар жана визуалдык ребустар сыяктуу интерактивдүү квиз түрүндө сынактар уюштурулду. БАПБ Башкарма мүчөсү Дамира Абдурахманова чогулгандарды Улуттук валюта күнү жана Банк кызматкеринин күнү менен куттуктап, ишчара жамааттык духту чыңдоо максатында уюштурулуп жаткандыгын белгиледи!
Таймаштын жыйынтыгында, биринчи орунду - “Бакай Банк”, экинчи орунду – "ЕСБ" командасы жана үчүнчү орунду – КРУБ командасы утуп алды.
Жеңүүчүлөр баалуу белектерге, ал эми бардык катышуучулар эстен кеткис көз ирмемдерге ээ болушту.
