2025-жылы Кыргызстан боюнча жалпы турак жайлардын 25% гана камсыздандырылган
Бүгүн Жогорку Кеңешинин Финансы, бюджет, ишкердик жана атаандаштыкты өнүктүрүү боюнча комитетинин жыйынында «КРнын айрым мыйзам актыларына (Граждандык кодексине, «Турак жайды өрттөн жана табигый кырсыктардан милдеттүү камсыздандыруу жөнүндө» Мыйзамга) өзгөртүүлөрдү киргизүү тууралуу» мыйзам долбоору каралып, экинчи окууда жактырылды.
Жыйында КРнын экономика жана коммерция министринин орун басары Беназир Нурланова баяндама жасап, мыйзам долбоору турак жайларды өрттөн жана табигый кырсыктардан милдеттүү камсыздандыруу системасын өркүндөтүүгө багытталгандыгын билдирди.
Нурланованын айтымында, азыр жарандар турак жайын милдеттүү түрдө камсыздандырбаган болсо, аларды мажбурлап камсыздандыруу мыйзам боюнча каралган эмес. Ушундан улам Кыргызстан боюнча жалпы 1 251 515 жеке турак жай бар болсо, анын 357 895 турак жайы (25%) гана 2025-жылы камсыздалган.
2025-жылдын статистикасы:
|
Кырсыктын түрү |
Кырсыктын саны |
Төлөнгөн суммасы |
|
Кар көчкү |
1 кырсык |
19 521 сом |
|
Шамал |
82 кырсык |
1 66 030 сом |
|
Өрт |
156 кырсык |
28 896 376 сом |
|
Суу ташкыны |
1 кырсык |
500 000 сом |
|
Сел жүрүү |
7 учур |
1 396 976 сом |
Ал эми 2026-жылдын 4 айында турак жайды камсыздандыруунун натыйжасында - 200 млн сомго жакын каражат чогулуп, анын 128 млн сому төлөнүп берилгендигин - Мамлекеттик камсыздандыруу уюмунун төрагасынын орун басары Бактыгул Абдыжалиев билдирди.
