1 млн сомдон ашык суммадагы товарды мыйзамсыз ташып кирүүгө бөгөт коюлду
Мамлекеттик салык кызматынын кызматкерлери “Ак-Тилек” көзөмөл-өткөрмө пунктунда жүргүзүлгөн рейддик салык контролунун жүрүшүндө эсепке алынбаган товарларды мыйзамсыз ташып кирүү аракетине бөгөт коюшту.
Салык кызматынын маалыматына ылайык, Renault үлгүсүндөгү жүк ташуучу автотранспорт каражатын текшерүү учурунда коштомо документтерде көрсөтүлбөгөн товарлар: аялдардын косметикалык каражаттары, кийим-кече, чачка кам көрүүчү каражаттар жана башка эл керектөөчү товарлар аныкталган.
Алдын ала баалоо боюнча аныкталган эсепке алынбаган товарлардын жалпы баасы болжол менен 1 млн сомду түзөт. Бул факты боюнча административдик айып салынды.
Ошондой эле аныкталган товарлар боюнча камералдык салыктык текшерүү жүргүзүлөт. Анын жыйынтыгында тиешелүү салык төлөмдөрдү кошумча эсептөө, ошондой эле мыйзамдарда каралган санкцияларды жана туумдарды колдонуу каралган.
