Экологиялык прокуратураны ачуу үчүн 26 млн сом бөлүнөт
Жогорку Кеңештин профилдик комитети республикалык бюджеттен 2 млрд 462 миллион сомдон ашык каражат бөлүү боюнча чечимди жактырды.
Маалыматка караганда, Башкы прокуратурага экологиялык прокуратураны ачуу жана кошумча 30 кызматкерди ишке алуу үчүн 26 млн сомдон ашык каражат каралды.
Сот аткаруучулар кызматынын кызматкерлерине кошумча төлөмдөр үчүн 156,9 млн сом бөлүнөт.
Ал эми Кылым Банктын уставдык капиталын көбөйтүүгө 2 млрд сом багытталат.
Аймактарды өнүктүрүүгө да кошумча каражат каралып, Ош облусунун Ийри-Суу айыл өкмөтүнө жол оңдоо жана кышка даярдык үчүн 12,6 млн сом бөлүнөт. Талас облусун өнүктүрүүгө болсо 250 млн сом каралган.
