Кыргызстандын эл аралык резервдери 9 млрд доллардан ашты
Кыргызстандын эл аралык резервдеринин көлөмү өсүүнү улантууда. Бул тууралуу Улуттук банк маалымдады.
Маалыматка ылайык, 15-майга карата өлкөнүн эл аралык резервдери 9 миллиард 82 миллион долларды түздү. Бул көрсөткүч жыл башынан бери 478,9 миллион долларга же 5,6%га көбөйгөн.
Улуттук банктын маалыматына ылайык, эл аралык резервдер министрлер кабинетинин чет өлкөлүк валютадагы милдеттенмелерин өз убагында аткаруу үчүн, ошондой эле өлкөдөгү баалардын туруктуулугун камсыздоого багытталган акча-кредит жана валюта саясатын жүргүзүүдө колдонулат.
Адистердин айтымында, резервдердин көбөйүшү өлкөнүн финансылык туруктуулугун чыңдап, тышкы экономикалык тобокелчиликтерге каршы туруштук берүү мүмкүнчүлүгүн арттырат.
