Экономика министри жана KOICAнын вице-президенти менен биргелешкен долбоорлорду талкуулады
20-майында Сеул шаарында Экономика жана коммерция министри Бакыт Сыдыков Кореянын Эл аралык кызматташтык агенттигинин (KOICA) вице-президенти Хонг Сок Хва мырза менен жолугушуу өткөрдү. Бул тууралуу ааталган министрликтин басма сөз кызматы билдирди.
Маалыматка ылайык, жолугушуунун жүрүшүндө тараптар Кыргызстандагыкызматташтыкты жана биргелешкен долбоорлорду ишке ашыруунун келечегин талкуулашты. Алардын катарында санариптештирүү, аймактарды өнүктүрүү жана мамлекеттик автопарктын электромобилдерге өтүүсү боюнча демилгелер бар.
KOICAнын вице-президенти Кыргызстан агенттиктин 2026–2031-жылдарга карата артыкчылыктуу өнөктөш өлкөлөрүнүн тизмесине киргизилгенин белгиледи. Ал бул чечим эки тараптуу кызматташтыкты кеңейтүүгө жана жаңы программаларды ишке ашырууга кошумча мүмкүнчүлүктөрдү түзөрүн баса белгиледи.
