Кыргызстанда пияз, эт жана жумуртка кымбаттады
Суу ресурстары, айыл чарба жана кайра иштетүү өнөр жайы министрлиги Кыргызстан, Россия жана Казакстандагы азык-түлүк бааларына салыштырма мониторинг жүргүздү.
Ведомствонун маалыматына ылайык, 20-майга карата жүргүзүлгөн анализге ылайык, Кыргызстанда баш пияз 2,3%, уй эти 1,3%, кой эти 1,1%, жумуртка 0,8% жана айрым ун менен макарон азыктары кымбаттаганы аныкталды. Ошондой эле кумшекер, күрүч жана жергиликтүү буудай унуна болгон баа бир аз жогорулаган.
Ал эми картошка 2,2%, каймак май 1,3% жана сабиз 0,2%га арзандаганы белгилүү болду.
Министрликтин маалыматына караганда, Казакстанда да бир катар азык-түлүк товарларынын баасы өзгөргөн. Айрыкча күрүч, нан, каймак май жана күн карама майы кымбаттаса, ун, вермишель, кумшекер жана айрым жашылчалар арзандаган.
