Кыргызстанга импорттолгон какао порошогу бажы төлөмүнөн бошотулат
Евразия экономикалык комиссиясынын Кеңешинин жыйынында Кыргызстандын айрым товарларды импорттук бажы алымынан бошотуу боюнча демилгеси колдоо тапты. Бул тууралуу Экономика жана коммерция министрлигинен билдиришти.
Чечимге ылайык, 2026-жылдын 31-декабрына чейин Кыргызстанга импорттолуучу 300 тоннага чейинки какао порошогуна 0% бажы алымы колдонулат.
Бул жеңилдик шоколад, кондитердик, нан, сүт азыктарын, суусундуктарды жана кургак аралашмаларды өндүрүү үчүн керектүү чийки зат менен ички рынокту камсыздоого шарт түзөт.
Мындан тышкары, ШКУнун мамлекет башчыларынын Кеңешинин иш-чараларын жана VI Дүйнөлүк көчмөндөр оюндарын өткөрүүгө керектелүүчү товарлардын жеңилдетилген тизмесин кеңейтүү боюнча Кыргызстандын сунушу дагы колдоо тапты.
