Ысык-Көлдө жашыл экономика жана туруктуу өнүгүү маселелери талкууланды
Ысык-Көл облусунда жашыл экономика жана туруктуу өнүгүү багытындагы кызматташтыкты чыңдоо боюнча жолугушуу болуп өттү. Анда Германия, Швейцария жана Европа Биримдигинин элчилери Кыргыз Республикасынын Президентинин Ысык-Көл облусундагы ыйгарым укуктуу өкүлү Бакытбек Жетигенов менен жолугушту.
Жолугушуунун жүрүшүндө регионду өнүктүрүү жана эл аралык кызматташтыкты кеңейтүү маселелери талкууланды. Анда жашыл экономика, туруктуу туризм, экологиялык айыл чарба, инновациялык технологиялар тармагына өзгөчө көңүл бурулду.
Тараптар 2020-жылдан бери ишке ашып келе жаткан өнөктөштүк буга чейин эле жакшы жыйынтыктарды берип жатканын белгилешти. Ошондой эле бул демилгелер Кыргыз Республикасынын 2030-жылга чейинки Улуттук өнүгүү программасынын максаттарына шайкеш келери айтылды.
Жолугушуунун жыйынтыгында жашыл экономика, экологиялык таза айыл чарба жана заманбап технологияларды өнүктүрүү боюнча биргелешкен долбоорлорду мындан ары да илгерилетүүнүн маанилүүлүгү белгиленди.
