Салык кызматы коррупцияга каршы саясатты күчөтүү аракетинде
Мамлекеттик салык кызматы коррупцияга каршы мамлекеттик стратегияны ишке ашыруунун алкагында коррупциянын алдын алууга жана бөгөт коюуга багытталган бир катар иш-чараларды жүргүзүүдө.
Салык кызмтыныны маалыматына ылайык, салык органдарындагы коррупциялык көрүнүштөрдү алдын алуу иштерин күчөтүү максатында, атайын ыйгарым укуктуу өкүл болуп КРнын Башкы прокуратурасынан юстиция майору Акылбек Ахматов дайындалган. Анын ишмердүүлүгү методикалык жардам көрсөтүүгө жана коррупциянын алдын алуучу механизмдерди киргизүүгө багытталган.
Ошондой эле Акылбек Ахматовдун катышуусунда коррупцияга каршы маданиятты жогорулатууга жана коррупциялык тобокелдиктерди башкаруу системасын өркүндөтүүгө арналган окутуу иш-чаралары өткөрүлдү.
Салык органдарына жаңы кабыл алынган кызматкерлер үчүн “Мамлекеттик кызматчынын этикасы. Кызыкчылыктардын кагылышы” жана “Коррупцияга каршы аракеттенүү” темаларында окуулар уюштурулду.
Сабактардын жүрүшүндө катышуучуларга коррупцияга каршы аракеттенүү жаатындагы мыйзамдардын негизги жоболору, коррупциялык укук бузуулардын түшүнүгү жана түрлөрү, алар үчүн каралган жоопкерчилик, ошондой эле кызматтык этиканы сактоо жана кызыкчылыктардын кагылышын алдын алуу маселелери түшүндүрүлдү.
Мындан тышкары, коррупциялык тобокелдиктер жаралышы мүмкүн болгон учурлардын жана жагдайлардын тизмесин даярдоо жана түзүү боюнча комиссиянын жыйыны өттү.
Жыйындын жүрүшүндө салык органдарынын ишиндеги коррупцияга жакын аймактар жана эң аялуу багыттар каралып, коррупциялык тобокелдиктерди азайтуу жана башкаруу боюнча мындан аркы чаралар аныкталды.
Иштин жыйынтыгында Коррупциялык тобокелдиктердин тизмесинин долбоору Кыргыз Республикасынын Башкы прокуратурасы менен макулдашууга жөнөтүлөт.
