Кыргызстан экспортко багытталган үрөнчүлүктү өнүктүрүүдө
Күн мурун Суу ресурстары, айыл чарба жана кайра иштетүү өнөр жайы министринин орун басары Рустам Балтабаев “Кыргыз Агрохолдинг” ААКсына караштуу “Элита” асыл тукум чарбасында болуп, агрардык долбоорлор жана “KVS” үрөн кооперативинин ишмердиги менен таанышты.
Ведомствонун маалыматына ылайык, иш сапардын жүрүшүндө үрөнчүлүк багыты, атайын техникалар, жер тилкелери жана экспортко багытталган жашылча өсүмдүктөрүнүн үрөнүн өстүрүүгө даярдык тууралуу маалымат берилди.
Ошондой эле ижарага жер алуу маселелеринин айрымдары жөнгө салынганы белгилүү болду. Министрлик тарабынан экспорттук үрөнчүлүк жана заманбап агротехнологияларды өнүктүрүүгө колдоо улантылары айтылды.
Мындан тышкары, делегация кореялык өнөктөштөр менен биргеликте заманбап күнөскана шартында кулпунай көчөттөрүн өстүрүү боюнча ишке ашырылып жаткан долбоор менен да таанышты.
