Экономика

Кыргызстан менен Тажикстан соода жүгүртүүнү 500 млн долларга жеткирүүнү көздөөдө

Айгерим Качкынбекова

26 мая 2026 16:21

Министрлер Кабинетинин төрагасынын орун басары Эрлист Акунбеков Тажикстанга болгон жумуш сапарынын алкагында Тажикстандын Премьер-министринин орун басары Сулаймон Зиёзода менен жолугушуу өткөрдү. Бул тууралуу Өкмөттөн билдиришти.

Тараптар үстүбүздөгү жылдын февраль айында өткөн Кыргызстан менен Тажикстандын Өкмөттөр аралык кеңешинин биринчи жыйыны эки өлкөнүн соода-экономикалык кызматташтыгын өнүктүрүүдөгү маанилүү кадам болгонун белгилешти.

Жолугушууда жетишилген макулдашууларды ишке ашыруу, тиешелүү органдардын ишин координациялоо жана аткарылып жаткан иштер боюнча үзгүлтүксүз маалымат алмашуу маселелери талкууланды.

Тараптар Кыргызстан менен Тажикстан көп жылдардан бери бири-бири үчүн маанилүү соода өнөктөш бойдон кала берерин белгилеп, эки тараптуу соода жүгүртүүнү көбөйтүү боюнча конкреттүү кадамдарды карашты.

Маалыматка ылайык, эки өлкөнүн президенттери 2030-жылга чейин өз ара соода жүгүртүүнү 500 млн долларга жеткирүү максатын коюшкан.

Кыргызстан текстиль, көмүр, айнек, пластмасса буюмдары жана айыл чарба продукцияларын экспорттоону кеңейтүүгө кызыкдар экени белгиленди. Ошондой эле эки өлкөдө соода үйлөрүн ачуу мүмкүнчүлүгү каралды.

Мындан тышкары, тараптар суу-энергетика тармагындагы кызматташтыкты өнүктүрүү, кайра жаралуучу энергия булактары боюнча тажрыйба алмашуу маселелерин талкуулашты.

Мындан тышкары окуңуз

Кочкордун Сары-Булак айыл өкмөтүнүн кызматкерлерине кылмыш иши козголду

Кочкор районунун прокуратурасы тарабынан жер мунапысын ишке ашыруунун алкагында, мыйзам талаптарынын сакталышы боюнча текшерүү жүргүзүлдү. Бул тууралуу Башкы прокуратурадан билдиришти. Маалыматка ылайык, 2023-жылы Кочкор районунун Сары-Булак айыл өкмөтүнүн жооптуу кызматкерлери Ак-Кыя айылынын тургундары М.О. жана М.С. аттуу жарандарга турак жай куруу үчүн 0,7 га

Кыргызстан менен Словения инвестициялык кызматташтыкты талкуулады

27-августта Инвестициялар боюнча улуттук агенттикте Словениянын RIKO компаниясынын өкүлдөрү менен жолугушуу болуп өттү. Бул тууралуу мекеменин басма сөз кызматы билдирди. Маалыматка ылайык, жолугушууда словениялык тарапка Кыргызстандын инвестициялык мүмкүнчүлүгү, экономиканын артыкчылыктуу багыттары жана эл аралык өнөктөштүк үчүн келечектүү инвестициялык долбоорлор тууралуу маалымат берилди. "Биз келечектүү демилгелерди ишке ашырууга жана

Таш-Көмүрдө 38,6 миллион сомго балдар көркөм мектеби курулду

Жалал-Абад облусунун Таш-Көмүр шаарында балдар көркөм мектеби жаңы окуу жылына карата пайдаланууга берилет. Бул тууралуу Курулуш министрлигинен билдиришти. Маалыматка ылайык, мектептин курулуш иштери Курулуш министрлигине караштуу Турак жай-жарандык курулуш департаменти тарабынан жүргүзүлдү. Долбоор республикалык бюджеттин эсебинен каржыланып, жалпы наркы 38,6 млн сомду түздү. Имарат эки кабаттуу

BAKAI Travel менен саякаттап, 20%га чейин кешбэкти акчалай алыңыз

Саякатка чыгууну пландап жатасызбы? Эми саякатка кеткен чыгымдарыңыздын бир бөлүгүн картаңызга кайтарып алсаңыз болот. BAKAI Travel жаңы акция баштады. Анын алкагында 20%га чейин кешбэк акчалай берилет: BAKAI мобилдик банкы аркылуу авиабилет сатып алсаңыз — 10%, ал эми мейманкана брондосоңуз — дагы 10% кешбэк аласыз. Авиабилет менен мейманкананы чогуу алуу шарт эмес.