"Ак-Жол" постунан 6 тонна күрүч артка кайтарылды
Суу ресурстары, айыл чарба жана кайра иштетүү өнөр жайы министрлигине караштуу Өсүмдүктөрдү химиялаштыруу, коргоо жана карантин департаментинин Чүй-Бишкек башкармалыгы тарабынан "Ак-Жол" фитосанитардык текшерүү постунда 6 тонна күрүч артка кайтарылды.
Ведомствонун маалыматына ылайык, 2026-жылдын 1-июнунда Казакстан Республикасынан Кыргызстанга ташылып келген 6000 килограмм күрүчкө карантиндик фитосанитардык текшерүү жүргүзүлгөн.
Текшерүүнүн жүрүшүндө жүктүн фитосанитардык сертификатында көрсөтүлгөн маалыматтар транспорттук коштоочу документтердеги маалыматтарга дал келбегени аныкталган.
Ушуга байланыштуу Евразия экономикалык биримдигинин бажы аймагында карантиндик фитосанитардык контролду жүргүзүү тартиби жөнүндө жобонун 3.7-пунктуна ылайык, жүк кайра жөнөтүүчү өлкөгө кайтарылган.
Тиешелүү кызматтар фитосанитардык талаптардын сакталышын камсыздоо максатында мамлекеттик чек арадагы көзөмөлдү улантууда.
