Экономика

2026-жылдын үч айында 204 миңден ашуун милдеттүү камсыздандыруу келишими түзүлгөн

Ишкер Media

02 июня 2026 13:40

2026-жылдын январь-март айларында Кыргызстанда милдеттүү камсыздандыруу боюнча 204 миң 279 келишим түзүлгөн. Бул тууралуу Улуттук статистика комитетинен маалымдашты.

Маалыматка ылайык, 3 айда жарандардын мүлкүн камсыздандыруу боюнча 74 миң 285 келишим катталган. Алардын басымдуу бөлүгү кыймылсыз мүлктү камсыздандырууга туура келип - 74 миң 126 келишим түзүлсө, кыймылдуу мүлк боюнча - 159 келишим катталган.

Ошол эле учурда жарандык жоопкерчиликти милдеттүү камсыздандыруу боюнча түзүлгөн келишимдердин саны 129 миң 994кө жеткен. Бул көрсөткүч милдеттүү камсыздандыруунун эң кеңири колдонулган түрү болуп калганын көрсөтөт.

Улуттук статистика комитетинин маалыматы боюнча, жарандык жоопкерчиликти камсыздандыруу багытында эң көп келишим автотранспорт каражаттарынын ээлерине туура келген. Үч ай ичинде транспорт каражаттарынын ээлеринин жарандык жоопкерчилигин камсыздандыруу боюнча 114 миң 124 келишим түзүлгөн.

Мындан тышкары, ташуучулардын жүргүнчүлөрдүн алдындагы жоопкерчилигин камсыздандыруу боюнча 14 миң 174 келишим катталса, кызматкерлердин өмүрүнө жана ден соолугуна келтирилген зыян үчүн жумуш берүүчүлөрдүн жоопкерчилигин камсыздандыруу боюнча 1 миң 96 келишим түзүлгөн.

Статистикалык маалымат көрсөткөндөй, учурда камсыздандыруу кызматтарына болгон суроо-талаптын негизги бөлүгүн кыймылсыз мүлктү жана автотранспорт каражаттарын камсыздандыруу түзүүдө.

Мындан тышкары окуңуз

Быйылкы жылкыга карата 1,6 млн тонна көмүр казуу пландалууда

Энергетика министринин орун басары Н.Керимов “Кыргызкөмүр” ААКнын башкы директору Рустамбек Садыралиев менен биргеликте Кара-Кече көмүр кени жана Миң-Куш көмүр кенинин “Агулак” тилкесине иш сапары менен барып, 2026-2027-жылдардагы күз-кыш мезгилине даярдык иштеринин жүрүшү менен жеринде таанышты. Бул тууралуу Энергетика министрлигинин басма сөз кызматы кабарлады. Маалыматка ылайык, иш сапардын жүрүшүндө кыртышты

БШКнын мүчөлүгүнө мурдагы депутаттар сунушталууда

Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитети 2-июнда Борбордук шайлоо комиссиясына мүчөлөрдү карап жатат. БШК жөнүндөгү мыйзамга ылайык, комиссиянын саны 12ден сегизге чейин кыскарган. 4 талапкер президент тарабынан, 4 талапкер парламент тарабынан шайланат. Президент тарабынан Алмаз Айбалаев, Руслан Жакышов, Миргүл Темирбаева, Бөдөш Мамырова

Оштогу 32 айылды таза суу менен камсыздоого 66,7 млн доллар бөлүнөт

Ош облусунун Кара-Суу жана Өзгөн райондорундагы 32 айылдын тургундарын таза ичүүчү суу менен камсыздоого багытталган ири долбоор ишке ашырылат. Бул тууралуу Айыл чарба министрлигинен маалымдашты. Бул маселе боюнча Кыргыз Республикасынын расмий делегациясы Евразиялык турукташтыруу жана өнүктүрүү фонду (ЕТӨФ) менен сүйлөшүүлөрдү өткөрдү. Долбоор аймактагы эң көйгөйлүү маселелердин бирин чечүүгө багытталган. Учурда

Унааларды тонировкалоого жеңилдик сунушталды

Президенттин Иш башкармалыгы унаалардын алдыңкы каптал айнектерин караңгылатууга уруксат берүү боюнча кезектеги акцияны өткөрүүнү сунуштады. Тиешелүү токтом долбоору коомдук талкууга чыгарылды. Маалыматка ылайык, арзандатуунун алкагында жарандар бир жылдык мөөнөткө унааларын караңгылата алышат. Учурдагы төлөмдөр: резиденттер үчүн — 50 миң сом, юридикалык жактар үчүн — 70 миң сом, резидент эместер үчүн — 90 миң