Камсыздандыруу келишимдеринин саны өстү
2026-жылдын биринчи кварталында республиканын экономикасынын каржы секторунда 19 камсыздандыруу компаниясы иштеди. Алардын кирешеси 2025-жылдын I-кварталы менен салыштырмалуу 1,4 эсеге көбөйүп, 2,9 млрд. сомду түзгөн. Мындан тышкары, жалпы кирешенин дээрлик 87%дан ашыгы камсыздандыруу төлөмдөрүнүн эсебинен болгон. Мындай билдирүүнү КРнын Улуттук статистика комитетинен кабарлашты.
Статкомдун билдирүүсүнө караганда, 2026-жылдын январь-март айларында камсыздандыруу компаниялары 735 миң камсыздандыруу келишимдерин түзүшкөн, бул өткөн жылдын ушул мезгилине салыштырмалуу 18%га (же 111 миңге) көп.
Мындай өсүш автотранспорт каражаттарынын жоопкерчилигин милдеттүү камсыздандыруу ОСАГО (68,5 миң) жана кокустан болгон кырсыктан жана оорулардан ыктыярдуу жеке камсыздандыруу боюнча келишимдердин (26 миң) санынын өсүшү менен камсыз болгон.
Түзүлгөн келишимдердин жалпы санынын 72 % ыктыярдуу камсыздандыруу, 28 % милдеттүү камсыздандыруу түздү.
2026-жылдын 1-апрелине карата түзүлгөн келишимдер боюнча камсыздандыруу суммасы 852 млрд сомдон ашыгыраак болуп, өткөн жылдын ушул датасына салыштырмалуу 2 эсеге өстү. Ушул эле убакыттын ичинде камсыздандыруу төгүмдөрү 2,5 млрд. сом өлчөмүндө түшкөн, бул өткөн жылдын январь-мартына салыштырмалуу 1,7 эсеге көп.
Белгиленген убакыт аралыгында 14,9 миң камсыздандыруу учуру катталган. Анын ичинен кокустан болгон кырсыктан жана оорулардан ыктыярдуу жеке камсыздандырууга жана туризмге 34%дан туура келди.
