Кыргызстан менен Индия экономикалык кызматташтыкты кеңейтет
3-июнда экономика жана коммерция министри Бакыт Сыдыков ШКУга мүчө мамлекеттердин өнөр жай министрлеринин кеңешмесине катышуу үчүн Кыргызстанга келген Индиянын оор жана болот өнөр жай министри Кумарасвами Хараданахалли Девегоуда менен жолугушту.
Жолугушууда тараптар эки өлкөнүн соода-экономикалык кызматташтыгын кеңейтүү маселелерин талкуулашты.
Бакыт Сыдыков энергетика, жашыл экономика, индустриялаштыруу жана агроөнөр жай тармактары кызматташуунун келечектүү багыттары экенин белгиледи.
Өз кезегинде индиялык министр Кыргызстан менен экономикалык байланыштарды бекемдөөгө кызыкдар экенин айтты.
Жолугушуунун жыйынтыгында тараптар кызматташууну кеңейтүүгө жана туруктуу диалогду улантууга даяр экенин ырасташты.
