Венчурдук каржылоо боюнча мыйзам долбоору колдоо тапты
4-июндагы Жогорку Кеңештин жыйынында “Венчурдук каржылоо жөнүндө” жана ага байланыштуу мыйзамдарга өзгөртүүлөрдү киргизүү тууралуу мыйзам долбоорлору экинчи окууда колдоо тапты.
Маалыматка ылайык, венчурдук инвестицияларды стартаптарга, инновациялык долбоорлорго жана технологиялык экосистемага тартуу үчүн укуктук шарттарды түзүүгө багытталган мыйзам долбоорун 2-июнда Министрлер кабинети сунуштаган.
Анын алкагында “венчурдук каржылоо”, “венчурдук инвестор”, “венчурдук фонд”, “бизнес-ангел”, “стартап”, “опциондук келишим”, “конверттелүүчү кредиттик келишим” сыяктуу түшүнүктөр мыйзамдык деңгээлде бекитилүүдө.
Венчурдук каржылоо деген эмне?
Венчурдук каржылоо — бул жогорку тобокелчилиги бар, бирок тез өсүү мүмкүнчүлүгү чоң жаңы технологиялык долбоорлорго инвестиция салуу жолу.
