Кыргызстанда күйүүчү майдын баасы өсүүдө
Кыргызстанда күйүүчү майга болгон баа акырындык менен жогорулап жатат. Бул тууралуу Улуттук статистика комитетинин айрым керектөө товарларынын орточо баалары боюнча жүргүзгөн күнүмдүк мониторингинин жыйынтыктары көрсөтүүдө.
Статистикалык маалыматтарга ылайык, 2026-жылдын июнь айында АИ-95 үлгүсүндөгү бензиндин орточо баасы өлкө боюнча литрине 85,77 сомду түздү. Май айында бул көрсөткүч 85,35 сом болгон. Натыйжада бир ай ичинде бензиндин баасы 42 тыйынга кымбаттады.
Ошондой эле дизель майынын баасы дагы өсүүдө. Эгер май айында анын орточо баасы литрине 91,53 сом болсо, июнь айында 93,02 сомго жеткен. Башкача айтканда, дизель майы бир ай аралыгында 1 сом 49 тыйынга кымбаттаган.
Эксперттердин айтымында, күйүүчү майдын баасынын өзгөрүшү транспорттук чыгымдарга жана айрым товарлардын өздүк наркына таасир этиши мүмкүн. Айрыкча дизель майынын кымбатташы айыл чарба, жүк ташуу жана логистика тармактары үчүн маанилүү фактор болуп саналат.
Улуттук статистика комитетинин маалыматы боюнча, учурда күйүүчү-майлоочу материалдардын баалары боюнча мониторинг өлкөнүн бардык калктуу конуштарында үзгүлтүксүз жүргүзүлүп турат. Ага ылайык, июнь айында Балыкчы шаарында бензинге болгон баа эң жогорку көрсөткүчтү 88,08 тыйын болсо, дизель майынын жогорку баасы Баткен шаарында катталып, анын баасы 94, 94 тыйындан сатылууда.
Салыштырмалуу таблицада май жана июнь айларындагы Кыргызстандын аймагындагы эң арзан жана эң кымбат көрсөткүчтөр көрсөтүлдү:
|
Аймактар |
А-95 (май) |
А-95 (июнь) |
Дизель (май) |
Дизель (июнь) |
|
Кыргызстан |
85,36 с. |
85,77 с. |
91,53 с. |
93,02 с. |
|
Бишкек ш. |
84,42 с. |
84,90 с. |
91,19 с. |
92,80 с. |
|
Балыкчы ш. |
87,20 с. |
88,08 с. |
90,90 с. |
92,56 с. |
|
Баткен ш. |
87,30 с. |
87,55 с. |
93,92 с. |
94,94 с. |
|
Ош ш. |
86,84 с. |
87,00 с. |
93,43 с. |
94,53 с. |
