Жазгы талаа иштери өткөн жылга салыштырмалуу көбүрөөк аянтты камтыды
Кыргызстанда 2026-жылдын 23-майына карата 677 миң гектардан ашык аянтка жаздык эгин себилип, өткөн жылдын ушул мезгилине салыштырмалуу 7 миң гектарга же 1,1 пайызга көбөйдү. Бул тууралуу Улуттук статистика комитети маалымдады.
Маалыматка ылайык, себүү аянттарынын өсүшү негизинен арпа, жүгөрү, май өсүмдүктөрү, жашылча жана картошка айдоолорунун көбөйүшү менен шартталган. Тактап айтканда, арпанын айдоо аянты 6,7 миң гектарга, дан үчүн жүгөрү 2,4 миң гектарга, май өсүмдүктөрү 1,3 миң гектарга, жашылчалар 1,5 миң гектарга жана картошка 1,3 миң гектарга көбөйгөн.
|
Өсүмдүктөрдүн түрлөрү |
2025-жылы |
2026-жылы |
|
Жалпы себилгени |
670,1 га |
677,2 га |
|
арпа |
229,8 га |
92,1 га |
|
буудай |
97,5 га |
236,5 га |
|
дан
жүгөрүсү |
97,2 га |
99,6 га |
|
дан
буурчактуу өсүмдүк |
50,1 га |
49,4 га |
|
күрүч |
11,0 га |
10,1 га |
|
картошка |
43,4 га |
44,7 га |
|
жашылча |
36,3 га |
37,8 га |
|
май
өсүмдүктөрү |
11,3 га |
12,5 га |
|
кант
кызылчасы |
13,4 га |
11,8 га |
Жаздык эгиндер эң көп себилген аймак катары Чүй облусу алдыда турат. Республика боюнча жалпы айдоо аянтынын дээрлик 33 % ушул облуска туура келет. Андан кийинки орундарда Ош облусу (16 %), Ысык-Көл облусу (14,5 %) жана Жалал-Абад облусу (12 %) жайгашкан.
Ошондой эле Чүй облусунда 2026-жылдын түшүмү үчүн 95,5 миң гектар аянтка күздүк буудай себилип, бул көрсөткүч өткөн жылга салыштырмалуу 9 пайызга өскөн.
Мындан сырткары, май айынын соңуна карата өлкөдө 94,5 миң гектар күздүк эгин азыктандырылып, 607,9 миң гектар аянтта жазгы айдоо иштери жүргүзүлдү.
