Кыргызстанда көмүрдү экспорттоого тыюу салынды
Министрлер Кабинети көмүрдү Кыргызстандын аймагынан автоунаа транспорту аркылуу сыртка чыгарууга алты айлык мөөнөткө убактылуу тыюу салды.
Президенттик админстрациянын маалыматтык саясат бөлүмүнүн айтымында, чечимге ылайык, чектөө өлкөнүн бардык автомобиль өткөрүү пункттарында күчүндө болот. Бирок “Торугарт” жана “Эркечтам” өткөрүү бекеттери аркылуу көмүр экспорттоого уруксат берилет.
Ошондой эле жаңы тартип мамлекеттик “Кыргызкөмүр” ишканасына тиешелүү эмес. Компания көмүрдү экспорттоону уланта алат.
Токтомдун аткарылышын Бажы кызматы менен Чек ара кызматы көзөмөлдөйт.
Жаңы чечим расмий жарыялангандан үч күндөн кийин күчүнө кирет.
