Кыргызстанда күйүүчү майдын баасы өсүүнү улантууда
Кыргызстанда күйүүчү майга болгон баа жогорулашын улантууда. Бул тууралуу Улуттук статистика комитетинин айрым керектөө товарларынын орточо баалары боюнча жүргүзгөн күнүмдүк мониторингинин жыйынтыктары көрсөтүүдө.
Статистикалык маалыматтарга ылайык, 2026-жылдын июнь айында АИ-95 үлгүсүндөгү бензиндин орточо баасы өлкө боюнча литрине 86,80 сомду түздү. Май айында бул көрсөткүч 85,35 сом болгон. Натыйжада бир ай ичинде бензиндин баасы 1 сом 45 тыйынга кымбаттаган.
Ошондой эле дизель майынын баасы дагы өсүүдө. Эгер май айында анын орточо баасы литрине 91,53 сом болсо, июнь айында 93,62 сомго жеткен. Башкача айтканда, дизель майы бир ай аралыгында орточо эсеп менен 2 сом 09 тыйынга кымбаттаган.
Билдирүүгө караганда, күйүүчү майдын баасынын өсүшү транспорттук чыгымдарга жана айрым товарлардын өздүк наркына таасир этиши мүмкүн. Айрыкча дизель майынын кымбатташы айыл чарба, жүк ташуу жана логистика тармактары үчүн маанилүү фактор болуп саналат.
Улуттук статистика комитетинин бааларга мониторингинин жыйынтыгында, эң жогорку көрсөткүч Баткен шаарында катталганы белгилүү болду.
Салыштырмалуу таблицада май жана июнь айларындагы Кыргызстандын аймагындагы А-95 маркасындагы бензин менен дизель майына болгон эң арзан жана эң кымбат көрсөткүчтөр сунушталды:
|
Аймактар |
А-95 (май) |
А-95 (июнь) |
Дизель (май) |
Дизель (июнь) |
|
Кыргызстан |
85,36 с. |
86,80 с. |
91,53 с. |
93,62 с. |
|
Талас ш. |
84,40 с. |
85,48 с. |
85,16 с. |
88,46 с. |
|
Бишкек ш. |
84,42 с. |
86,47 с. |
91,19 с. |
93,49 с. |
|
Манас ш. |
84,26 с. |
84,84 с. |
90,74 с. |
92,62 с. |
|
Баткен ш. |
87,30 с. |
88,13 с. |
93,92 с. |
95,09 с. |
|
Ош ш. |
86,84 с. |
87,56 с. |
93,43 с. |
95,06 с. |
