Кыргызстанда катталган жумушсуздардын саны 18,2%га азайды
2026-жылдын 1-майына карата Кыргызстанда мамлекеттик иш менен камсыз кылуу кызматтарында катталган жумушсуздардын саны өткөн жылдын ушул мезгилине салыштырмалуу 18,2%га кыскарды.
Бул тууралуу КРнын Улуттук статистика комитети - Эмгек, социалдык камсыздоо жана миграция министрлигинин маалыматына таянып билдирди.
Маалыматка ылайык, учурда мамлекеттик иш менен камсыз кылуу органдарында жумуш издеп каттоодо турган жарандардын жалпы саны 60,2 миң адамды түздү. Бул 2025-жылдын ушул мезгилине салыштырмалуу 10,7%га аз.
Алардын ичинен расмий катталган жумушсуздардын саны 38,7 миң адамды түзүп, өткөн жылга салыштырмалуу 18,2%га төмөндөгөн. Алардын 45,9%ын аялдар түзөт.
Улуттук статистика комитетинин маалыматына ылайык, катталган жумушсуздуктун деңгээли өлкөдөгү жалпы жумушчу күчкө карата 1,4%ды түзгөн.
Таблицада 2026-жылдын 1-майына карата мамлекеттик жумуш менен камсыз кылуу органдарында каттоого алынган жумушсуздардын саны келтирилген:
|
Аймактар |
Жалпы саны |
|
Өлкө боюнча |
38 741 |
|
Баткен облусу |
4 539 |
|
Жалал-Абад облусу |
9 867 |
|
Ысык-Көл облусу |
2 123 |
|
Нарын облусу |
1 160 |
|
Ош облусу
|
10 810 |
|
Талас облусу |
2 456 |
|
Чүй облусу |
1 535 |
