Аламүдүн районунда 57,6 млн сомдук каржылык мыйзам бузуу аныкталды

Аламүдүн районунда 57,6 млн сомдук каржылык мыйзам бузуу аныкталды

КРнын Эсептөө палатасы Чүй облусунун Аламүдүн районундагы жергиликтүү өз алдынча башкаруу органдарынын 2024-жылдагы бюджеттеринин түзүлүшүнө жана аткарылышына, бюджеттик мекемелердин жана муниципалдык ишканалардын ишине шайкештик аудит жүргүздү.

Анын жыйынтыгында жалпы 57 млн 588,4 миң сомдук каржылык мыйзам бузуулар жана кемчиликтер аныкталган. Анын ичинен 29 млн 495,2 миң сому калыбына келтирилүүгө тийиш, ал эми аудиттин жүрүшүндө 339 миң сом кайтарылып берилген.

Эсептөө палатасынын маалыматына ылайык, негизги мыйзам бузуулар төмөнкүлөргө байланыштуу болгон:

-        бюджеттик мыйзамдардын талаптарын сактабаган учурлар;
-        бюджетке түшүүгө тийиш болгон төлөмдөрдү өз убагында өндүрбөө;
-        кызматкерлерге эмгек акы жана башка 5,3 млн сомдон ашык негизсиз чыгымдар;
-        товардык-материалдык баалуулуктар боюнча 8,2 млн сомдон ашык ашык чыгымдар;
-        мамлекеттик жана муниципалдык мүлктү эсепке алуудагы мыйзам бузуулар;
-        ижара келишимдеринин талаптарын сактабоо жана ижара акысын төмөндөтүү;
-        дебитордук карыздарды эсепке алуудагы кемчиликтер.

Ошондой эле аудиттин жүрүшүндө 8,8 млн сомдук мамлекеттик жана муниципалдык мүлк белгиленген тартипте эсепке алынбаганы аныкталган. Мындан тышкары, 781,6 миң сомдук мүлк жана акча каражаттарынын жетишсиздиги, ошондой эле документтерсиз мүлктү эсептен чыгаруу фактылары катталган.

Жыйынтыгында, Эсептөө палатасынын отчёту КРнын Президентинин Чүй облусундагы ыйгарым укуктуу өкүлүнүн аппаратына жана Аламүдүн райондук мамлекеттик администрациясына жөнөтүлдү.

Мындан тышкары, аныкталган мыйзам бузууларды жоюу боюнча райондук мамлекеттик администрацияга жана жергиликтүү өз алдынча башкаруу органдарына жазма буйруктар берилди. Эсептөө палатасы аудиттин жыйынтыктарын райондук коллегиянын жыйынында карап чыгып, мыйзам бузууларды жоюу жана алардын кайталанышына жол бербөө боюнча чараларды өзгөчө көзөмөлгө алууну сунуштады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

DemirBankтан 100 000 сомго чейинки кэшбек менен ипотека

РФнын 8 аймагында мигранттарга таксист болуп иштөөгө чектөө киргизүү пландалууда

Ошто мыйзамсыз аңчылык кылган жаран 10 миң сом айыпка жыгылды

Бишкек шаарынын тургундары мэрия өкүлдөрү менен жолугушту

Чүйдөгү абакта электр прожекторлорун өндүрүүчү жаңы цех ишке кирди