Ишкердикти өнүктүрүү фонду микрофинансылык компанияга айланат
“Ишкердикти өнүктүрүү фонду” ААК МККда акционерлердин кезексиз жыйыны болуп өттү. Анын жүрүшүндө жалгыз акционер КРнын Финансы министрлиги Фондду микрофинансылык компанияга айландыруу милдетин койду. Мындай билдирүүнү фонддун басма сөз кызматынан кабарлашты.
Маалыматка ылайык, ишкердикти өнүктүрүү фонду микрофинансылык компанияга айланса, Фонддун буга чейинки мүмкүнчүлүктөрү кеңейип, ишкерлерди каржылоонун жеткиликтүүлүгү жакшырат.
Башкача айтканда, Фонд кошумча финансылык ресуртарды тартуу мүмкүнчүлүгүнө ээ болуп. валюталык операцияларды жүргүзө баштайт. Ошондой эле мыйзам талаптарына ылайык, калктын депозиттерин кабыл алуу укугуна ээ болот.
Жаңы өзгөрүүлөргө ылайык, эми насыянын максималдуу суммасы 5 млн сомдон 9 млн сомго чейин көбөйөт жана жаңы насыялык продукттарды ишке киргизүүгө мүмкүнчүлүк түзүлөт. Ошондой эле Фонд кошумча финансылык ресурстарды тартуу мүмкүнчүлүгүнө ээ болуп, ислам терезесин ачышы пландалууда. Мындан сырткары Фонддун ишмердүүлүгүн санариптештирүү аракеттери улантылат.
Жаңы өзгөрүүлөр Фондго чакан жана орто бизнести мындан ары да кеңири колдоого мүмкүнчүлүк берет.
