Ошто азык-түлүк менен күйүүчү майдын баасы көзөмөлгө алынды
Монополияга каршы жөнгө салуу кызматынын Ош шаары боюнча бөлүмү социалдык маанидеги азык-түлүк товарларынын, цементтин жана күйүүчү-майлоочу майлардын чекене бааларына мониторинг жүргүздү.
Кызматтын маалыматына ылайык, текшерүүнүн негизги максаты биринчи кезекте керектелүүчү товарлардын баасын негизсиз жогорулатууга жол бербөө, керектөөчүлөрдүн укуктарын коргоо жана Ош шаарындагы базарларда баанын туруктуулугун камсыз кылуу болду.
Мониторингдин жыйынтыгында соода түйүндөрүнүн, базарлардын, курулуш материалдарын саткан соода жайларынын жана май куюучу станциялардын администрацияларына түшүндүрүү иштери жүргүзүлдү.
Ишкерлерге жайкы сезондо бааларды алып-сатарлык жол менен жасалма көтөрүүгө жол берилбей турганы эскертилди. Ошондой эле жасалма тартыштык түзүү же бааларды өз ара макулдашып жогорулатуу фактылары аныкталса, мыйзамга ылайык жоопкерчилик каралары белгиленди.
