Кытайлык инвесторлор менен жаңы долбоорлор талкууланды
Бүгүн Инвестициялар боюнча улуттук агенттиктин башчысынын орун басары Дамирбек Бикулов China Construction Fifth Engineering Division Corp., Ltd. (CSCEC 5th Bureau) компаниясынын өкүлдөрү менен жолугушту.
Улуттук агенттиктин маалыматына ылайык, тараптар компаниянын Кыргызстандагы ишмердүүлүгүн, учурда ишке ашырылып жаткан долбоорлордун жүрүшүн жана инвестициялык-инфраструктуралык кызматташтыкты кеңейтүү мүмкүнчүлүктөрүн талкуулашты.
Жолугушууда курулуш жана инфраструктура тармагына заманбап технологияларды жана эл аралык тажрыйбаны алып келген ири компанияларды тартуу өлкөнүн артыкчылыктуу багыттарынын бири экени белгиленди.
Ошондой эле Инвестициялар боюнча улуттук агенттик инвесторлорго комплекстүү колдоо көрсөтүүнү жана келечектүү долбоорлорду коштоону улантарын билдирди.
Жыйынтыгында тараптар инвестицияларды тартууга, инфраструктураны өнүктүрүүгө багытталган демилгелерди биргелешип ишке ашырууну жана кызматташууну мындан ары да улантууну макулдашты.
