Бишкекте 28-июлда кыргыз-өзбек бизнес өкүлдөрү жолугушат
Инвестициялар боюнча улуттук агенттиктин башчысынын орун басары Дамирбек Бикулов Өзбекстандын Инвестициялар, өнөр жай жана соода министринин орун басары Хуррам Тешебаев менен жолукту.
Улуттук агенттиктен билдиришкендей, жолугушууда алдыдагы Кыргыз-Өзбек бизнес-форумуна даярдык көрүү маселелерин талкууланды. Аталган иш-чара 28-июлда Бишкекте өтөт.
Ошондой эле мамлекеттик органдар менен бизнес өкүлдөрүнүн өз ара кызматташуусун камсыз кылуу, форумдун алкагында кол коюла турган документтерди даярдоо маселелерине көңүл бурулду.
Тараптар инвестициялык кызматташтыкты кеңейтүүгө, өнөр жай байланыштарын чыңдоого жана биргелешкен долбоорлорду ишке ашырууга багытталган меморандумдарды жана башка эки тараптуу документтерди даярдоо боюнча пикир алышты.
Жолугушуунун соңунда тараптар бизнес-форумга биргелешип даярдык көрүүгө макулдашты. Аталган иш-чара Кыргызстан менен Өзбекстандын инвестициялык мүмкүнчүлүктөрүн көрсөтүп, жаңы ишкердик байланыштарды түзүүгө шарт түзөры айтылды.
