"Кумтөр" мамлекеттик башкарууга өткөндөн бери казынага 1,2 млрд доллар төктү
Кумтөр кени мамлекеттик башкарууга өткөн 2022-жылдын башынан тартып 2026-жылдын июль айына чейин мамлекетке салык жана милдеттүү төлөмдөр түрүндө 1 млрд 233 млн доллар которду. Бул тууралуу компаниянын мүдүрлөр кеңешинин төрагасы "Биринчи радионун" түз эфиринде билдирди.
Болотбек Идирисовдун айтымында, ушул жылы алты айда "Кумтөр Голд Компани" жабык акционердик коому мамлекетке 19 млрд сом төктү.
Ошондой эле компания өзүнүн акционери болгон "Кыргызалтын" ААКсына дивиденд катары 300 млн доллар которгон.
Белгиленгендей, "Кумтөрдүн" быйылкы өндүрүштүк ишмердүүлүгүнөн түшкөн жалпы киреше 733 млн долларды түзүп, анын 419 млн доллары таза киреше болду.
Ал эми мамлекеттик башкарууга өткөндөн бери компаниянын жалпы кирешеси дээрлик 5 млрд доллар болсо, таза кирешеси 2,2 млрд долларды түзгөн.
