Нарында 6 ай ичинде 1 млрд сомдон ашык өнөр жай продукциясы өндүрүлгөн
Нарын шаарынын өткөн 6 айга карата социалдык-экономикалык өнүгүүнүн жыйынтыктары чыгарылды.
Нарын шаардык мэриясынын маалымат кызматынын айтымында, шаарда 2026-жылдын 6 айында 1 млрд 171,1 млн сомдук өнөр жай продукциясы өндүрүлүп, өсүү темпи 117,5% түздү.
Нарын шаарында мамлекеттик бюджеттин киреше бөлүгү 107,6 %га аткарылып, өсүү темпи 142,7% түздү. Мунун ичинен республикалык бюджет 114,1%га, жергиликтүү бюджет 101,3 %га аткарылды.
Учурда Нарын шаары боюнча 2026-жылга карата 43 обьектиде болжолдуу 7 млрд 810,2 млн сомдук курулуш жана оңдоп-түзөө иштери жүргүзүлүүдө.
Алып айтканда республикалык бюджеттен 12, Турукташтыруу фондунан 5, Нарын облусунун “Теңир-Тоо” өнүктүрүү фондунан 4, инвесторлор жана демөөрчүлөрдөн 8, жергиликтүү бюджеттен жана донорлордон 14 обьект курулуп жатат.
Курулуш иштерине республикалык бюджеттен 17 млн 123,8 миң сом, жергиликтүү бюджеттен 7 млн 124,9 миң сом жумшалууда.
Жыйында ички жолдорду тейлөө, шаардын сантирадык тазалыгын камсыздоо, жашылдандыруу-көрктөндүрүү, таза суу менен камсыздоо, саркынды суу тутумун тейлөө, мунициипалдык менчикти башкаруу, билим берүү, саламаттыкты сактоо жана социалдык камсыздоо, спорт маданият тармактарындагы иш аракеттер жана жыйынтыктар талкууланып натыйжасына баа берилди.
Нарын шаарынын мэри Жылдызбек Беккелдиев шаардык мекеме-ишкана башчыларына тейлөө кызматтарынын ишин жакшыртуу менен сапаттуу иш алып барууну белгилеп бир катар милдеттерди белгиледи.
