Өзбек-кыргыз өнүктүрүү фонду 100,5 млн долларлык долбоорлорду бекитти
Өзбек–Кыргыз өнүктүрүү фонду өнөр жайды жакшыртууга, инфратүзүмдү өнүктүрүүгө жана өндүрүштүк кооперацияны чыңдоого багытталган долбоорлорду каржылоону улантууда.
Экономика министрлигинин басма сөз кызматы билдиргендей, бүгүнкү күнгө карата жалпы наркы 100,5 млн долларды түзгөн 37 долбоор бекитилди. Анын ичинен 61,2 млн доллар фонддун каражаттарынын эсебинен каржыланды.
Ишке ашырылып жаткан долбоорлордун алкагында 883 жаңы жумуш орду түзүлүп, 367 бирдик атайын жана коммерциялык техника жеткирилди.
Натыйжада Кыргызстан менен Өзбекстандын ортосундагы өз ара товар жүгүртүү 40 млн долларга көбөйгөнү белгиленди.
