Кыргызстанда картошка, сүт жана жумуртка кымбаттады

Кыргызстанда айрым азык-түлүктөрдүн баасы жогорулап, кээ бир товарлар арзандады. Бул тууралуу Суу ресурстары, айыл чарба жана кайра иштетүү өнөр жайы министрлиги жүргүзгөн салыштырма мониторингдин жыйынтыгында белгилүү болду.

Мониторинг Кыргызстандагы, Казакстандагы жана Россиядагы негизги азык-түлүктөрдүн бааларына жүргүзүлгөн.

Кыргызстанда картошканын баасы 2,7%, пастерленген сүт 0,8%, тоок жумурткасы 0,6%, бөлкө нан 0,3%кымбаттаган. Тазаланган күн карама майы менен кумшекердин баасы 0,1%дан жогорулаган.

Ошол эле учурда каймак май 1,9%, баш пияз 0,9%, уй эти 0,4%, кой эти 0,1% арзандаган. Калган товарлардын баасы өзгөрүүсүз калган.

Казакстанда пияздын баасы 3,1%га жогорулап, картошка 1,8%га арзандаган. Ошондой эле жумуртка, макарон азыктары, ун, сабиз, каймак май, күрүч, кумшекер жана башка айрым азыктардын баасы өскөн.

Россияда кумшекер 1,3%га кымбаттаган. Ал эми картошканын баасы 2,8%, сабиз 2,4%, пияз 1,1% жана жумуртка 0,5%га төмөндөгөн.

Министрликтин маалыматына ылайык, башка бир катар азык-түлүктөрдүн баасында өзгөрүү болгон эмес.