Кыргызстанда өнөр жай өндүрүшүнүн көлөмү 525 млрд сомдон ашты
2026-жылдын январь-июль айларында Кыргызстанда өнөр жай продукциясынын көлөмү 525,3 млрд сомду түздү. Бул өткөн жылдын ушул мезгилине салыштырмалуу 11,2%га көп. Бул тууралуу Улуттук статистика комитетинен билдиришти.
Маалыматка ылайык, өнөр жай өндүрүшүнүн өсүшүнө тамак-аш жана тамеки продукцияларын, негизги металлдарды, фармацевтикалык жана химиялык продукцияларды, курулуш материалдарын, жыгач жана кагаз буюмдарын өндүрүүнүн көбөйүшү таасир эткен.
Ошондой эле транспорт каражаттарын, тазаланган мунай продукцияларын өндүрүүдө жана пайдалуу кендерди казууда өсүш катталган.
